استاناعا مىڭ بۇرالعان گيمناستشىلار كەلە جاتىر

22-25 ناۋرىز ارالىعىندا استاناداعى Qazaqstan جەڭىل اتلەتيكا سپورت كەشەنىندە كوركەم گيمناستيكادان ALEM CUP حالىقارالىق ءتۋرنيرى بولادى، دەپ حابارلادى استانا قالاسىنىڭ دەنە شىنىقتىرۋ جانە سپورت باسقارماسى.

وعان 2008-2010 جىلدارى دۇنيەگە كەلگەن جانە ودان كىشى ساناتتاعى سپورتشىلار قاتىسادى. سونداي-اق جارىسقا قاتىسۋشىلار توپتىق جاتتىعۋلاردا دا باق سىنايتىن بولادى.

تۋرنير حالىقارالىق گيمناستيكا فەدەراتسياسىنىڭ (FIG) كوركەم گيمناستيكا بويىنشا 2022-2024 جىلدارى قولدانىستاعى ەرەجەلەرىنە سايكەس وتكىزىلەدى.

استانا تورىندە وتەتىن كوركەم گيمناستيكا الەمىندە كوپتەن كۇتكەن ءىس-شارا. تۋرنيرگە ەگيپەت، كورەيا، قىرعىزستان، قازاقستان، بەلارۋس ەلدەرىنىڭ ۇلتتىق قۇرامالاردان گيمناستتار كەلىپ، ونەر كورسەتەدى. نەگىزى اۋەلگى ماقسات – ەلدەر اراسىنداعى ەڭ ۇزدىك گيمناستتاردى انىقتاۋ. وعان قوسا ەلوردادا وتەتىن ALEM CUP حالىقارالىق ءتۋرنيرى الەمدىك كۇنتىزبەلىك جوسپارعا ەنگىزىلدى. ءبىزدىڭ قازاقستان سونىڭ ىشىندە استانالىق ارۋلارىمىز وزدەرىن لايىقتى كورسەتەدى دەگەن سەنىمدەمىن، — دەدى الەم حالىقارالىق كوركەم گيمناستيكا اكادەمياسىنىڭ باسشىسى اسەم باقىتجانقىزى.

تۋرنير استانا قالاسى اكىمدىگىنىڭ، تۋريزم جانە سپورت مينيسترلىگى مەن قازاقستان گيمناستيكا فەدەراتسياسىنىڭ قولداۋىمەن وتەدى.