پارا تاەكۆوندودان ءاچ: قازاقستان ءۇش مەدال جەڭىپ الدى

تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ دەنە مۇمكىندىكتەرى شەكتەۋلى ادامدارعا ارنالعان سپورتتىق دايارلاۋ ورتالىعىنىڭ حابارلاۋىنشا، قىرعىزستاننىڭ بىشكەك قالاسىندا ەستۋ قابىلەتى زاقىمدانعان سپورتشىلار اراسىندا ءوتىپ جاتقان تاەكۆوندودان الەم چەمپيوناتىندا دياس رىسبەكوۆ 54 كەلىگە دەيىنگى  سالماق دارەجەسىندە التىن مەدالدى جەڭىپ الدى.

سونىمەن بىرگە  58 كەلىگە دەيىنگى سالماقتا ايان ابدراش كۇمىس جۇلدەنى، ءمادي سەيسەنباەۆ وسى سالماقتا قولا مەدالدى يەلەندى.

الەم چەمپيونى اتانعان دياس رىسبەكوۆتىڭ تاەكۆوندومەن اينالىسقانىنا 10 جىلعا جۋىق ۋاقىت بولىپتى. بۇل ونىڭ العاشقى الەم چەمپيوناتى ەكەن.

مەن تاەكۆوندومەن اينالىسقانىما 9 جىل بولدى. بۇل مەنىڭ العاشقى الەم چەمپيوناتىم. قارىسىلاستار وتە مىقتى بولدى. جارىستا مەن گرەكيا، تايبەي، قىرعىزستان مەن وزبەكستان سپورتشىلارىمەن سىنعا ءتۇستىم. فينالدىق باسەكەدە وزبەكستاندىق سپورتشىمەن كەزدەسىپ، ونى 2:1 ەسەبىمەن جەڭىپ، الەم چەمپيونى اتاندىم. مەن ءوز جەتىستىگىمە وتە قۋانىشتىمىن، — دەدى ول.

الەم چەمپيوناتى 25 ناۋرىزدا باستالدى. ول 30 ناۋرىزعا دەيىن بولادى. جارىسقا 13 مەملەكەتتەن 100-گە جۋىق سپورتشى قاتىسىپ جاتىر. قازاقستان قۇراماسىندا 22 سپورتشى كۇش سىناسۋدا.