Para taekvondodan ÁCh: Qazaqstan úsh medal jeńip aldy

Týrızm jáne sport mınıstrligi Sport jáne dene shynyqtyrý isteri komıtetiniń Dene múmkindikteri shekteýli adamdarǵa arnalǵan sporttyq daıarlaý ortalyǵynyń habarlaýynsha, Qyrǵyzstannyń Bishkek qalasynda estý qabileti zaqymdanǵan sportshylar arasynda ótip jatqan taekvondodan álem chempıonatynda Dıas Rysbekov 54 kelige deıingi  salmaq dárejesinde altyn medaldi jeńip aldy.

Sonymen birge  58 kelige deıingi salmaqta Aıan Abdrash kúmis júldeni, Mádı Seısenbaev osy salmaqta qola medaldi ıelendi.

Álem chempıony atanǵan Dıas Rysbekovtiń taekvondomen aınalysqanyna 10 jylǵa jýyq ýaqyt bolypty. Bul onyń alǵashqy álem chempıonaty eken.

Men taekvondomen aınalysqanyma 9 jyl boldy. Bul meniń alǵashqy álem chempıonatym. Qarysylastar óte myqty boldy. Jarysta men Grekııa, Taıbeı, Qyrǵyzstan men О́zbekstan sportshylarymen synǵa tústim. Fınaldyq básekede ózbekstandyq sportshymen kezdesip, ony 2:1 esebimen jeńip, álem chempıony atandym. Men óz jetistigime óte qýanyshtymyn, — dedi ol.

Álem chempıonaty 25 naýryzda bastaldy. Ol 30 naýryzǵa deıin bolady. Jarysqa 13 memleketten 100-ge jýyq sportshy qatysyp jatyr. Qazaqstan quramasynda 22 sportshy kúsh synasýda.