Gımnastshy Aıbota Ertaıqyzy Gran-prı týrnırinde úsh júlde aldy

Franııanyń Te qalasynda ótken kórkem gımnastıkadan Gran-prı týrnırinde Aıbota Ertaıqyzy úsh medal jeńip aldy, dep habarlady olympic.kz.

Aıbota Ertaıqyzy shyǵyrshyq pen taspadaǵy jattyǵýdan kúmis medal ıelendi. Al doptaǵy jattyǵýdan fınaldyq synda qola medal jeńip aldy.

Fınalǵa deıin ulttyq qurama sportshysy kópsaıystan irikteý kezinde 123.800 ball jınap, barlyq jattyǵýda júldege talasý múmkindigine ıe boldy.

Gımnastshy bıylǵy maýsymda ózi qatysqan týrnırlerdiń bárinen medal alyp keledi.