SportPress.kz قازاقستان سپورت جاڭالىقتارى
تۇركيانىڭ انتاليا قالاسىندا سپورتتىق گيمناستيكادان Challenge Cup ساناتىنداعى تۋرنير اياقتالدى، دەپ حابارلادى kazsports.kz.
بۇل جارىستا ۇلتتىق قۇرامانىڭ سپورتشىلارى ەكى جۇلدەگە يە بولدى. اۋەلى ات سناريادىندا ناريمان كۋربانوۆ كۇمىس جۇلدەگەر اتاندى. سودان كەيىن اسان ساليموۆ تىرەنىپ سەكىرۋ جاتتىعۋدا التىن جۇلدەنى جەڭىپ الدى. ول فينالدا 14.300 ۇپاي جيناپ، ۋكراينا قۇراماسىنىڭ ەكى گيمناستىنان وزىپ كەتتى.
بۇعان دەيىن حابارلانعانداي، كوركەم گيمناستيكادان فرانتسيانىڭ تە قالاسىندا وتكەن گران-پري تۋرنيرىندە ايبوتا ەرتايقىزى ءۇش مەدال جەڭىپ الدى.
ايبوتا ەرتايقىزى شىعىرشىق پەن تاسپاداعى جاتتىعۋدان كۇمىس مەدال يەلەندى. ال دوپتاعى جاتتىعۋدان فينالدىق سىندا قولا مەدالگە يە بولدى.
