SportPress.kz قازاقستان سپورت جاڭالىقتارى
قازاقستان بوكس فەدەراتسياسى پاريج وليمپياداسىنا جولداما العان بوكسشىلار مەن ولاردىڭ جاتتىقتىرۋشىلارىنا ارناپ، اۋىزاشار ۇيىمداستىردى، دەپ حابارلادى قازاقستان بوكس فەدەراتسياسى.
وسى جيىندا فەدەراتسيا پرەزيدەنتى شاحمۇرات ءمۇتالىپ وليمپيادادا چەمپيون اتانعان بوكسشى مەن جۇلدەگەرگە جانە ولاردىڭ جاتتىقتىرۋشىلارىنا بەرىلەتىن سىياقىنىنىڭ كولەمىن جاريالادى.
ول قازاقستان بوكس فەدەراتسياسى تاراپىنان وليمپيادا چەمپيونىنا 220 000 اقش دوللارى، كۇمىس جۇلدەگەرگە 120 000 دوللار، قولا مەداليسكە70 000 دوللار، ءتورتىنشى ورىن العان بوكسشىعا 30 000 دوللار جانە بەسىنشى ورىننان كورىنگەن بوكسشىعا 10 000 دوللار كولەمىندە سىياقىنىڭ بەرىلەتىنىن ايتتى.
ال باس جاتتىقتىرۋشى مەن جاتتىقتىرۋشىلار القاسى ورىن العان بوكسشى سىياقىسىنىڭ 30 پايىزىنا پارا-پار قارجىلاي سىياقى الادى، — دەدى ول.
سونداي-اق، كەزدەسۋدە جاقىندا يتاليادا وتكەن الەمدىك ىرىكتەۋ تۋرنيرىندە ليتسەنزيا جەڭىپ العان بوكسشىلار مەن ۇلتتىق قۇرامانىڭ جاتتىقتىرۋشىلار القاسى قارجىلاي سىيلىقپەن ماراپاتتالدى. بوكسشىلارعا 20 000 اقش دوللارىنان تابىس ەتىلسە، باس جاتتىقتىرۋشى مىرزاعالي ايتجانوۆقا 10 000 دوللار بەرىلدى. بۇدان بولەك، ۇلتتىق قۇرامامىزدىڭ جاتتىقتىرۋشىلارى دا سىياقىعا يە بولدى.
View this post on Instagram
