SportPress.kz قازاقستان سپورت جاڭالىقتارى
بۇگىن وليمپيادا جانە پاراليمپياداعا دايىندىق شتابى دەنە مۇمكىندىكتەرى شەكتەۋلى ادامدارعا ارنالعان سپورتتىق دايارلاۋ ورتالىعى مەن ۇلتتىق پاراليمپيادا كوميتەتىنىڭ وكىلدەرىمەن جيىن وتكىزدى، دەپ حابارلادى تۋريزم جانە سپورت مينيسترلىگى.
كەزدەسۋدە ۇلتتىق قۇراما سپورتشىلارىنىڭ قازىرگى جاعدايى، قارجىلاندىرۋ مەن باسقا اقپاراتتىق ۇيىمداستىرۋشىلىق دايىندىق ماسەلەلەرى تالقىلاندى.
قازىر پاراليمپيادا ويىندارىنا دەيىن پىسىقتايتىن ماسەلە كوپ. دەگەنمەن اتقارىلىپ جاتقان دايىندىق جۇمىستارى دا از ەمەس. پارا سپورتشىلارىمىزعا لايىقتى كوڭىل ءبولىنىپ، جان-جاقتى جاعدايلار جاسالىپ جاتىر. شتاب پارا سپورتشىلارعا بارىنشا قولداۋ كورسەتىپ، ۇيىمداستىرۋشىلىق جۇمىستارىن جالعاستىرادى، — دەدى شتاب باسشىسى ەلسيار قاناعاتوۆ.
XVII جازعى پاراليمپيادا ويىندارى بيىل 28 تامىز بەن 8 قىركۇيەك ارالىعىندا فرانتسيا استاناسى پاريجدە بولادى. وعان الەمنىڭ 184 ەلىنەن 4 000 مىڭنان استام سپورتشى قاتىسىپ، 22 سپورت تۇرىنەن 549 مەدال جيىنتىعى ساراپقا سالىنادى.
قازاقستان ۇلتتىق قۇراماسى سپورتتىڭ 9 تۇرىنەن (پارا جەڭىل اتلەتيكا، پارا پاۋەرليفتينگ، پارا تاەكۆوندو، پارا ۇستەل تەننيسى، پارا ءجۇزۋ، پارا دزيۋدو، پارا كانوە، وتىرىپ وينايتىن ۆولەيبول، پارا نىسانا كوزدەۋ) ونەر كورسەتۋدى جوسپارلاپ وتىر.
وسى ۋاقىتقا دەيىن پاراليمپياداشىلار وتىرىپ وينايتىن ۆولەيبولدان ەرلەر قۇراماسى، پارا جەڭىل اتلەتيكا بويىنشا يادرو لاقتىرۋ، پارا كانوە، پارا پاۋەرليفتينگ، پارا نىسانا كوزدەۋدەن ءبىر-ءبىر جولدامانى، پارا ءجۇزۋ مەن پارا تاەكۆوندودان ءۇش-ۇشتەن ليتسەنزيانى، بارلىعى 11 جولدامانى جەڭىپ الدى.
