Hokkeıden áıelder quramasy álem chempıonatyna qatysady

7-13 sáýir aralyǵynda Andorranyń Kanılo qalasynda shaıbaly hokkeıden áıelder arasyndaǵy álem chempıonatynyń II dıvızıondaǵy matchtary bolady, habarlady Týrızm jáne sport mınıstrliginiń Sportty damytý dırekııasy.

Qazaqstan quramasy A tobynda Ispanııa, Meksıka, Qytaıdyń Taıbeıi, Islandııa, Belgııa komandasymen birge synǵa túsedi.

Alǵashqy týrda ulttyq qurama 7 sáýirde Astana ýaqytymen 16:00-de Meksıkamen oınaıdy. Odan keıingi matchtar kestesi mynadaı:

8 sáýir

Qazaqstan – Qytaıdyń Taıbeıi (Astana ýaqytymen 16:00)

10 sáýir

Qazaqstan – Islandııa (Astana ýaqytymen 16:00)

11 sáýir

Belgııa – Qazaqstan (Astana ýaqytymen 19:30)

13 sáýir

Ispanııa – Qazaqstan (Astana ýaqytymen 23:00)

Ulttyq quramanyń qatarynda Málıke Aldabergenova, Pernesh Áshimova, Darııa Moldabaı, Iýlııa Býtorına, Arına Щıokolova, Aıda Oljabaeva, Anastasııa Dýbrovskaıa, Nadejda Fılımonova, Polına Govtva, Alına Ivanchenko, Tatıana Korolıova, Ekaterına Kýenko, Katrın Meskını, Anastasııa Orazbaeva, Anna Pıatkova, Dılnaz Saıahatqyzy, Mýnıra Saıahatqyzy, Aleksandra Щegaı, Larısa Svırıdova, Madına Tursynova, Karına Felzınk, Aleksandra Voronova oınaıdy.

Qazaqstan áıelder quramasy 1996 jyldan beri halyqaralyq jarystarǵa turaqty qatysyp kele jatyr. Osy aralyqta qysqy Azııa oıyndarynda úsh márte chempıon atansa, taǵy úsh ret qola júldege ıe bolǵan. Al 2002 jyly AQSh-tyń Solt-Leık-Sıtı qalasynda ótken aq Olımpıadada áıelder quramasy 8-satydan kóringen.

Ulttyq qurama álem chempıonatynyń I dıvızıonda 2004, 2008 jyly top jarǵan. Joǵarǵy dıvızıonǵa bes ret joldama alyp, ondaǵy eń jaqsy kórsetkishi 6-oryn bolǵan.