قازاقستان قۇراماسى — كوركەم جۇزۋدەن الەم كۋبوگىنىڭ يەگەرى

قازاقستان قۇراماسى كوركەم جۇزۋدەن قىتايدىڭ بەيجىڭ قالاسىندا ءوتىپ جاتقان الەم كۋبوگىنىڭ العاشقى كەزەڭىنىڭ يەگەرى اتاندى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

اكروباتيكالىق باعدارلامادا قازاقستان سپورتشىلار الاڭ يەلەرى قىتاي قۇراماسىنان دا كوپ بالل الدى. ەلىمىزدىڭ قۇراماسى ەكى كۇن بۇرىن تەحنيكالىق سايىستا قولا جۇلدەگە يە بولعان ەدى.

ال كۋبوكتى 213.7801 بالل جيناعان  ايگەرىم قۇرمانعاليەۆا، ەتەري كاكۋتيا، نارگيزا بولاتوۆا، ارينا مياسنيكوۆا، اننا پاۆلەتتسوۆا، جۆكلين ياكيموۆا، ءجانيا جيەنعازى مەن كسەنيا ماكاروۆا يەلەندى.

قىتاي سپورتشىلارى 205.0300 بالمەن ەكىنشى، اۋستراليانىڭ قىزدارى 196.6266 بالل جيناپ، ءۇشىنشى ورىننان كورىندى.

بۇل ۇلتتىق قۇرامانىڭ قىتاي استاناسىنداعى جارىستاعى بەسىنشى جۇلدەسى. وعان دەيىن ۆيكتور درۋزين مەن اننا پاۆلەتسوۆا ارالاس جۇپتىق سىننىڭ ەركىن باعدارلاماسىندا كۇمىس جۇلدەنى جەڭىپ العان بولاتىن. قازىر سپورتشىلاردا 1 التىن، 2 كۇمىس پەن 2 قولا مەدال بار.