SportPress.kz Qazaqstan sport jańalyqtary
Qazaqstan quramasy kórkem júzýden Qytaıdyń Beıjiń qalasynda ótip jatqan Álem kýbogynyń alǵashqy kezeńiniń ıegeri atandy, dep habarlady Týrızm jáne sport mınıstrliginiń Sportty damytý dırekııasy.
Akrobatıkalyq baǵdarlamada Qazaqstan sportshylar alań ıeleri Qytaı quramasynan da kóp ball aldy. Elimizdiń quramasy eki kún buryn tehnıkalyq saıysta qola júldege ıe bolǵan edi.
Al kýbokty 213.7801 ball jınaǵan Aıgerim Qurmanǵalıeva, Eterı Kakýtıa, Nargıza Bolatova, Arına Mıasnıkova, Anna Pavletova, Jvklın Iakımova, Jánııa Jıenǵazy men Ksenııa Makarova ıelendi.
Qytaı sportshylary 205.0300 balmen ekinshi, Aýstralııanyń qyzdary 196.6266 ball jınap, úshinshi orynnan kórindi.
Bul ulttyq quramanyń Qytaı astanasyndaǵy jarystaǵy besinshi júldesi. Oǵan deıin Vıktor Drýzın men Anna Pavleova aralas juptyq synnyń erkin baǵdarlamasynda kúmis júldeni jeńip alǵan bolatyn. Qazir sportshylarda 1 altyn, 2 kúmis pen 2 qola medal bar.
