SportPress.kz Qazaqstan sport jańalyqtary
Taılandtyń Phýket qalasynda ótip jatqan aýyr atletıkadan Álem kýbogynda Qazaqstan quramasy jarys jolyn aıaqtady, dep habarlady Týrızm jáne sport mınıstrliginiń Sportty damytý dırekııasy.
Ulttyq quramanyń sportshylary birde bir júlde ala almady. Elimizdiń atynan sońǵy bolyp 87 keliden asa salmaq dárejesinde Aısamal Sansyzbaeva men Sultan Meıram (109 kg) shyqty. Qossaıys qorytyndysynda Aısamal Sansyzbaeva 235 kelini (julqa kóterýde 105 kg men serpe kóterýde 130 kg) kóterip, V tobynda tórtinshi oryn aldy. Osy topta Taıbeıdiń ókili Chen Vang 266 keli nátıjemen (118+148) úzdik atandy. Osy salmaqta barlyq qarsylastaryn artta qaldyryp, jeńimpaz atanǵan qytaılyq Venven Lı qossaıysta 325 kelini (145+180) baǵyndyrdy.
Ekinshi jáne úshinshi oryndy Ońtústik Koreıa sportshylary Hedjong Park (130+166) pen Iýngı Son (122+161) bólisti.
Aısamal osyǵan deıin jasóspirimder arasyndaǵy álem chempıonatyn jeńip alǵan edi. Endi ol qazir eresekter arasynda baq synady. Jarysta azdap qatelikter jibergenimen, jalpy nátıjesi qanaǵattandyrady. Týrnırden soń qorytyndysyn shyǵaryp, qateliktermen naqty jumys isteımiz, sebepterin anyqtaımyz. Aldaǵy ýaqytta qurama komandaǵa birqatar ózgerister engizemiz. Jańa jumys bastalyp, bolashaqta jaqsy nátıje kórsetemiz dep oılaımyn, — dedi aýyr atletıkadan áıelder quramasynyń bas jattyqtyrýshysy Ivan Snegýrov.
Sultan Meıram qossaıysta 340 kelimen (150+190) A tobynda altynshy oryn aldy. Altyn júldeni Olımpııalyq oıyndardyń chempıony, ózbekstandyq aýyr atlet Akbar Djýraev (189+227) ıelendi. Kúmis medaldi Ázerbaıjannyń ókili Dadashý Dadashbaılyǵa (177+211) buıyrsa, qola medaldi grýzııalyq Zaze Lomtadze (170+209) aldy.
Jyl basynda alǵan jaraqattyń saldarynan bolsa kerek, nátıje onsha kóńilimnen shyqpady. Biraq, aldaǵy ýaqytta jaqsy nátıje kórsetemin dep senimmen aıta alamyn, — dedi óz sózinde Sultan Meıram.
Eske sala ketsek, buǵan deıin Álem kýbogynda Aınur Ábdiqalyqova (49 kg), Ernaz Alpysov (55 kg), Darıa Balabıýk (59 kg) pen Sergeı Petrovıch (89 kg) óner kórsetken bolatyn. Osylaısha, qazaqstandyq aýyr atletter Olımpııalyq oıyndarǵa joldamany ala almady.
