مارافونشى جاننا ماماجانوۆا وليمپيادانىڭ جولداماسىن الدى

نيدەرلاندتىڭ روتتەردام قالاسىندا 42،1 شاقىرىمعا جۇگىرۋدەن (مارافون) وتكەن جارىستان جاننا ماماجانوۆا ەل رەكوردىن جاڭارتىپ، پاريج وليمپياداسىنىڭ جولداماسىن جەڭىپ الدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

ول 2 ساعات 26 مينۋت 42 سەكۋند جۇگىرىپ، مارەگە ءتورتىنشى بولىپ جەتتى. ودان بۇرىن فينيشكە 2 ساعات 19 مينۋت 30 سەكۋندتا جەتكەن ەفيوپيالىق ەشەت بەكەرە جەڭىمپاز اتانسا، ەكىنشى جانە ءۇشىنشى ورىندى كەنيالىق مارافونشىلار يەلەندى. ۆيولا كيبيۆوت (2:20:57) ەكىنشى، سەللي چەپيەگو كاپتيچ (2:22:46) قولا جۇلدەگە يە بولدى.

وتانداسىمىز بۇعان دەيىنگى رەكوردتى دا 2022 جىلى روتتەردام قالاسىندا 2:26:54 ۋاقىتپەن جاساعان  بولاتىن.

30 جاستاعى جاننا ەكىنشى رەت وليمپياداعا قاتىساتىن العاشقى مارافونشى بولىپ وتىر.

مارافون 13-14 ساۋىردە بولدى. وعان 17 مىڭنان استام ادام قاتىستى

قازىر قازاقستاندا سپورتتىڭ 12 تۇرىنەن 32 ليتسەنزيا (30 سپورتشى) بار.