Almatynyń ardager shahmatshylary jeńimpaz atandy

Jaqynda Qyzylorda qalasynda tuńǵysh ret ardager shahmatshylar arasynda Qazaqstan Respýblıkasynyń komandalyq birinshiligi aıaqtaldy. Ár komanda namysyn quramynda úsh er jáne bir áıel shahmatshy qorǵady.

Saıysqa elimizdiń 9 oblysynan on komanda qatysqan edi.  Jarysty ótkizgen Qyzylordadan ǵana eki komanda qosyldy. Jarys shveıar júıesimen júrgizilip, jeti komandalyq kezdesý ótkizildi. Birinshilik nátıjesinde 19,5 upaı jınaǵan Almaty qalasynyń shahmatshylary jeńis tuǵyryna kóterilip, bas kýbokty jeńip aldy.

Komanda quramyndaǵy taqta nómiri boıynsha Marat Pirimbetov, Kırıll Karpýnın, Marat Mýrzın, Irına Býlanova men Beket Jarokov qorǵaǵan almatylyq shahmatshylar komandasy 5 utys, 2 teń jáne esh jeńilissiz bıik kórsetkishke ıe boldy. Ekinshi oryndy Astana komandasynyń shahmatshylary 18 upaı enshilese, Jambyl oblysynyń shahmatshylary 17 upaımen júldeli úshtikke qol jetkizdi.

Kelesi rettilikti Aqtóbe, Qyzyloda – 1, Qostanaı, Pavlodar, Shymkent, Qyzylorda – 2, Batys Qazaqstan oblysynyń komandalary ıelendi. Júldeli úshtikke ıe bolǵan shahmatshylar komandasyna arnaıy dıplomdar men qarjylaı syılyqtar tabys etildi.

Nurlan QUMAR,

ALMATY