SportPress.kz قازاقستان سپورت جاڭالىقتارى
الەمنىڭ ءتورتىنشى راكەتكاسى ەلەنا رىباكينا تەننيستەن گەرمانيانىڭ شتۋتگارت قالاسىندا ءوتىپ جاتقان WTA 500 ءتۋرنيرىنىڭ جارتىلاي فينالىنا شىقتى.
جارىستىڭ ەكىنشى اينالىمىندا رىباكينا رەسەيلىك ۆەرونيكا كۋدەرمەتوۆانى (19 WTA) ءۇش سەتتە 7:6، 1:6، 6:4 ەسەبىمەن جەڭىپ، شيرەك فينالعا شىققان بولاتىن.
¼ فينالدا تەننيسشىمىز 2 ساعات 10 مينۋتقا سوقىلعان اسا تارتىستى ويىندا يتاليالىق ياسمينا ءپاولينيدى 2:1 (6:3، 5:7، 6:3) ەسەبىمەن جەڭىپ، جارتىلاي فينالعا جولداما الدى.
ەندى رىباكينا جارتىلاي فينالدا پولشانىڭ وكىلى يگو شۆەنتەك پەن ۇلىبريتانيانىڭ سپورتشىسى ەمما رادۋكانانىڭ اراسىنداعى ويىننىڭ جەڭىمپازىمەن كەزدەسەدى.
ءتۋرنيردىڭ جالپى جۇلدە قورى — 922 573 دوللار.
داستان كەنجالين،
استانا
