SportPress.kz قازاقستان سپورت جاڭالىقتارى
ەلىمىزدىڭ ءبىرىنشى راكەتكاسى ەلەنا رىباكينا يسپانيانىڭ استاناسى — مادريد قالاسىندا ءوتىپ جاتقان WTA 1000 ءتۋرنيرىنىڭ ءتورتىنشى اينالىمىنا شىقتى، دەپ حابارلادى قازاقستان تەننيس فەدەراتسياسى.
ەلەنا رىباكينا ءۇشىنشى اينالىمدا دۇنيەجۇزىلىك رەيتينگىدە 72-ورىندا تۇرعان مىسىرلىق مايار شەريفپەن ويناپ، ونى 6:1، 6:4 ەسەبىمەن جەڭدى.
ءبىرىنشى پارتيادا رىباكينا 5:0 ەسەبىمەن العا شىقتى. سودان كەيىن پارتيانى 6:1 ەسەبىمەن جەڭدى.
ەكىنشى سەتتە دە وتانداسىمىز 3:1 ەسەبىمەن العا شىعىپ، سول قارقىنىنان تانعان جوق. ەسەپ — 6:4.
1 ساعات 30 مينۋتقا سوزىلعان ماتچتا رىباكينا 1 ەيسپەن بىرگە 13 برەيك-پوينتتىڭ ۇشەۋىن پايدالاندى.
ەندى رىباكينا شيرەك فينالعا شىعۋ ءۇشىن رەيتينگىدە 136-ساتىداعى چەحيالىق، 18 جاستاعى سارا بەيلەكپەن كەزدەسەدى.
يۋليا پۋتينتسەۆا دا مادريد WTA 1000 ءتۋرنيرىن ءساتتى وتكىزىپ جاتىر.
تەننيسشى ءۇشىنشى اينالىمدا الەمنىڭ 56-راكەتكاسى، امەريكالىق كەرولاين دوۋلحايدتىڭ مىسىن باستى. ول قارسىلاسىن 6:2، 6:2 ەسەبىمەن جەڭدى.
پۋتينتسەۆا ءبىر ساعاتتان استام ۋاقىتقا سوزىلعان ويىندا 5 برەيك-پوينتتىڭ تورتەۋىن ءمۇلت جىبەرگەن جوق.
يۋليا پۋتينتسەۆا شيرەك فينالعا شىعۋ ءۇشىن رەسەيلىك الەمنىڭ 11-راكەتكاسى داريا كاساتكينامەن جولىعادى.
الەكساندر بۋبليك تە مادريد (يسپانيا) ATP 1000 ءتۋرنيرىنىڭ ءتورتىنشى اينالىمىنا شىقتى.
ول ءۇشىنشى اينالىمدا الەمنىڭ 15-راكەتكاسى، 21 جاستاعى امەريكالىق بەن شەلتونمەن كەزدەسىپ، ودان 6:3، 7:6 (7:2)، 6:4 ەسەبىمەن ايلاسىن اسىردى.
بۋبليك شيرەك فينالعا شىعۋ ءۇشىن الەمنىڭ 4-راكەتكاسى، رەسەيلىك دانيل مەدۆەدەۆ نەمەسە رەيتينگىدە 26-ورىنداعى تاعى ءبىر امەريكالىق سەباستيان كوردامەن وينايدى.
