Mınıstrlikke qysqy sport túrlerinen komandalar esep berip jatyr

Astana qalasynda qysqy sport túrlerinen ulttyq qurama komandalardyń bas jattyqtyrýshylarynyń 2023-2024 jylǵy qysqy maýsymdy qorytyndylap, aldaǵy maýsymǵa daıyndyqty pysyqtaýǵa arnalǵan esep berý kezdesýleri bolyp jatyr, dep habarlady TSM Sportty damytý dırekııasy.

Ulttyq shańǵyshylar qaýymdastyǵy ókilderi men memlekettik jattyqtyrýshylar Týrızm jáne sport mınıstrligi Sport jáne dene shynyqtyrý isteri komıtetiniń tóraǵasynyń orynbasary Azamat Imashev pen Sportty damytý dırekııasynyń ókilderine esep berdi.

Atap aıtar bolsaq, frıstaıl akrobatıkadan Qazaqstan quramasynyń bas jattyqtyrýshysy Baǵlan Ińkárbek, shańǵy jarysynan bas bapker Aleksandr Batıaıkın, shańǵymen tuǵyrdan sekirýden bas jattyqtyrýshy Pavel Vasılev maýsymdy qorytyndylady.

Ulttyq quramanyń ókilderi sportshylardyń halyqaralyq jarystardaǵy kórsetkishterine sholý jasap, rezerv daıarlaý jaıyn qozǵady. Máselen, qysqy sport túrlerine mamandanǵan Olımpıada daıarlaý ortalyqtarynyń birinde snoýbord sekııasyn ashý jóninde usynys aıtyldy.

Mamandardyń aıtýynsha, bul dısıplına jastar arasynda keńinen tanylǵan. Elimizde kásibı túrde shuǵyldanýshylar qatary kóp emes. Soǵan qaramastan Aq Olımpıadada eń kóp júlde jıyntyǵy sarapqa salynatyn baǵdarlamany nazardan tys qaldyrmaı, qolǵa alý kerek.

Esep berý kezinde Pavel Vasılev Ońtústik Koreıada ótken IV qysqy jasóspirimder Olımpıadasynda elimizge alǵashqy altyn medaldi syılaǵan Ilıa Mızernyhtyń jetistigi sáıkestik emes, birigip istegen jumystyń jemisi ekenine erekshe toqtaldy.

Bıyl egemendik alǵan jyldar ishinde shańǵymen tuǵyrdan sekirýshiler úshin eń tabysty maýsym boldy. Osy maýsymda shańǵymen tuǵyrdan sekirýshiler maýsymdy josparǵa saı ýaqytynda bastap, Sportty damytý dırekııasy men Ulttyq sporttyq medıına jáne ońaltý ortalyǵynan der kezinde qoldaý alǵan. Munyń taǵy bir kórsetkishi — Ilıanyń Kanvondodaǵy oıyndardan keıin jasóspirimder arasyndaǵy álem chempıonatyndaǵy jaqsy nátıjesi.

Soǵan qaramastan áli de keı komandalar dáriger, massajıst, sport psıhology syndy mamandarmen turaqty qamtamasyz etilmeı keledi.

Kezdesýde Azamat Imashev Qytaıdyń Harbın qalasynda ótetin qysqy Azııa oıyndary qarsańynda mundaı problemanyń bolmaýy kerektigin eskertti.