SportPress.kz قازاقستان سپورت جاڭالىقتارى
قازاقستاننىڭ ءبىرىنشى راكەتكاسى ەلەنا رىباكينا العاش رەت يسپانيانىڭ مادريد قالاسىندا ءوتىپ جاتقان WTA 1000 ءتۋرنيرىنىڭ جارتىلاي فينالىنا شىقتى.
رىباكينا شيرەك فينالدا وتانداسى، الەمنىڭ 50-راكەتكاسى يۋليا پۋتينتسەۆامەن وينادى.
وسىعان دەيىن ءوزارا ەكى كەزدەسۋدە پۋتينتسەۆا رىباكينانى ەكى رەت جەڭگەن ەدى.
بۇل جولى ءبىرىنشى پارتيادا يۋليا پۋتينتسەۆا قارسىلاسىن 6:4 ەسەبىمەن جەڭگەنىمەن، ەكىنشى جانە ءۇشىنشى پارتيادا رىباكينا وتانداسىمىزدى 7:6 (7:4)، 7:5 ەسەبىمەن باسىم ءتۇستى.
ەندى ەلەنا رىباكينا فينالعا شىعۋ ءۇشىن الەمنىڭ ەكىنشى راكەتكاسى، وسى جارىستىڭ بىلتىرعى جەڭىمپازى، بەلارۋس وكىلى ارينا سوبولەنكومەن كەزدەسەدى.
داستان كەنجالين،
استانا
