گيمناسشى ەلجاڭا تانيەۆا وليمپيادا ليتسەنزياسىن جەڭىپ الدى (ۆيدەو)

كوركەم گيمناستيكادان وزبەكستاننىڭ استاناسى – تاشكەنت قالاسىندا ءوتىپ جاتقان ازيا چەمپيوناتىندا ەلجاڭا تانيەۆا التىن مەدال الىپ، وليمپيادانىڭ جولداماسىن يەلەندى.

ۇلتتىق قۇراما كوشباسشىسى كوپسايىستا دەس بەرمەي، توپ جاردى.

ايبوتا ەرتايقىزى جارىستى بەسىنشى ورىنمەن اياقتادى.

ەندى قازاقستان سپورتشىلارىندا پاريج وليمپياداسىنىڭ 50 جولداماسى بار. ولار سپورتتىڭ 17 تۇرىنەن ليتسەنزيانى جەڭىپ الدى.

ەسكە سالا كەتسەك، توكيو وليمپياداسىندا ەل نامىسىن الينا ءادىلحانوۆا، وعان دەيىن 2016 جىلى ريو-دە-جانەيرودا وتكپەن جارىستا سابينا اشىرباەۆا، 2012 جىلى لوندون وليمپياداسىندا اننا اليابەۆا، 2008 جىلى بەيجىڭ مەن 2004 جىلى افينادا جالاۋى جەلبىرەگەن جارىستا ءاليا يۋسۋپوۆا قورعاعان بولاتىن.

ەڭ جاقسى ناتيجە ءاليا يۋسۋپوۆاعا تيەسىلى. ول  2004 جىلى كوپسايىستا جانە 2008 جىلى ۇرشىق جاتتىعۋىندا ءتورتىنشى ورىن العان ەدى.

شامكەن بايىربەك،

استانا

 

View this post on Instagram

 

A post shared by Home of Qazaqstan Sports (@qaz_team_official)