Gımnasshy Aıbota Ertaıqyzy da Azııa chempıony ataǵyn aldy

Kórkem gımnastıkadan Qazaqstan komandasynyń sportshysy Aıbota Ertaıqyzy О́zbekstannyń Tashkent qalasynda ótip jatqan Azııa chempıonatynda top jardy.

Ol taspamen jattyǵýda altyn júldeni jeńip aldy. Tóreshiler onyń ónerin 32,90 upaıǵa baǵalady.

Kúmis medaldi ózbekstandyq Tahmına Ikromova, qola júldeni japonııalyq Reına Maýsaka ıelendi.

Buǵan deıin Aıbota Ertaıqyzy doppen jattyǵýda kúmis, shyǵyrshyqpen jattyǵýda qola medal aldy.

Búgin sondaı-aq, Eljańa Tanıeva ekinshi ret Azııa chempıony ataǵyn jeńip alǵan edi. Ol shyǵyrshyqpen jattyǵýdan Azııa chempıony atandy. Bul jattyǵýda sportshy 33,90 upaı jınady.

Keshe Tanıev alǵashqy altyn medalin alǵan bolatyn.

Qazaqstannyń eresekter men jasóspirimder quramalary da jaqsy óner kórsetti. Eresekter komandasy 5 shyǵyrshyqpen jattyǵýda Azııa chempıonatynyń qola júldegeri atandy. Al elimizdiń jasóspirimder quramasy komandalyq kópsaıystan altyn jáne kúmis medalǵa ıe boldy.

Dastan KENJALIN,

ASTANA