Nysana kózdeý: Qazaqstan quramasy altyn júldeni jeńip aldy

Chehııanyń Plzen qalasynda ótken Gran-prı jarysynda Qazaqstan quramasy taǵy birneshe júldege ıe boldy.

Áýeli aralas qarqynda qozǵalatyn jyljymaly nysana kózdeýde  (10 metr) erler arasynda Andreı Hýdıakov, Asadbek Nazırkýlev, Danııl Iakovenko úshtigi top jaryp, altyn medaldi jeńip aldy.

Dál osy baǵdarlamada áıelder arasynda Fatıma Irnazarova, Aleksandra Sadýaqasova, Zýhra Irnazarovadan quralǵan komanda kúmis medal ıelendi.

Odan keıin ulttyq quramanyń sportshysy Maksım Mazepa tapanshamen 50 metrden oq atýda 540 upaı jınap, ekinshi orynǵa ıe boldy. Altyn medal Slovakııa sportshysyna buıyrdy.

Jekeleı synda Andreı Hýdıakov qola júlde úshin talasta 373 upaımen jeńilip qaldy. Sondaı-aq jarys bastalǵan kezde ekinshi orynnan kóringen Fatıma Irnazarova (369 upaı) tórtinshi oryndy qanaǵant tutty. Ol ótken aptada ulttyq qurama komandanyń sapynda Aleksandra Sádýaqasovamen jáne Zýhra Irnazarovamen birge kúmis medal alǵan bolatyn. Sol kezde quramynda Danııl Iakovenko, Asadbek Nazırkýlev pen Andreı Hýdıakov bar erler komandasy qola medaldi ıelegen edi.

Plzendegi týrnırde 23 memleketten 550 mergen synǵa tústi.

Dastan KENJALIN,

ASTANA