SportPress.kz قازاقستان سپورت جاڭالىقتارى
استانادا بوكستان 13-18 مامىر ارالىعىندا وتەتىن «ەلوردا كۋبوگى» تۋرنيرىنە ۇلتتىق قۇراما كوماندانىڭ اسا اۋىر سالماقتاعى بوكسشىسى، وليمپيادا جانە الەم چەمپيوناتىنىڭ جۇلدەگەرى قامشىبەك قوڭقاباەۆ تا قاتىسادى.
قازىر ول ۇلتتىق قۇرامانىڭ باسقا دا بوكسشىلارىمەن بىرگە تۋرنيرگە دايىندالىپ جاتىر. قوڭقاباەۆ وليمپياداعا جولدامانى بارىنەن بۇرىن الىپ قويعان. ول بىلتىر قىتايدىڭ حانچجوۋ قالاسىندا وتكەن ءحىح جازعى ازيا ويىندارىنىڭ فينالىندا وزبەكستاندىق باحودير جالولوۆتان جەڭىلسە دە وليپياداعا ليتسەنزيانى العان بولاتىن.
سودان كەيىن ول بيىلعى ناۋرىزدا ازەربايجان رەسپۋبليكاسىنىڭ استاناسى – باكۋدە بولعان « ۇلى جىبەك جولى» حالىقارالىق تۋرنيرىنە قاتىستى. وسى تۋرنيردە بوكسشى رەسەيلىك رامازان كارنۋكاەۆقا ءبىرىنشى اينالىمدا ەسە جىبەردى. ەندى مىنە، قوڭقاباەۆ وليمپيادا الدىندا تاعى ءبىر تۋرنيرگە قاتىسۋعا بەل بايلاپ وتىر. ونىڭ ايتۋىنشا، ول ءبىرازدان بەرى وليمپياداعا دايىندالىپ كەلەدى. بيىلعى «ەلوردا كۋبوگى» تۋرنيرىنە وسال بوكسشى قاتىسپايدى. سوندىقتان جارىسقا جاقسى دايىندالىپ، وليمپيادادا ەل نامىسىن لايىقتى قورعاۋ ءۇشىن بارا جاتقانىڭدى كورسەتۋ كەرەك.
«ەلوردا كۋبوگى» ءتۋرنيرىنىڭ جاۋاپكەرشىلىگى زور. استاناداعى تۋرنيرگە 7-8 مەملەكەتتەن سپورتشىلار كەلەدى. ءبارىنىڭ دە قارقىنى جاقسى. قازىرگى جوسپارىمىز — وسى جارىستاعى الەۋەتىمىزدى بايقاپ، كەيىن وليمپيادادا قاتە جىبەرمەۋگە تىرىسۋ.
جاقىندا باكۋدە وتكەن حالىقارالىق جارىستا رەسەيلىك بوكسشىدان جەڭىلىپ قالدىم. وزىمنەن قاتە كەتتى. ەندى سول ولقىلىقتارمەن جۇمىس ىستەپ جاتىرمىن. تاماقتانۋ، رەجيم، دايىندىق — ءبارى ويداعىداي. «ەلوردا كۋبوگىنانا» كەيىنگى جوسپارىمىزدى باپكەرلەر جاسايدى، — دەدى قوڭقاباەۆ.
ول وليمپيادادا قاتەلەسپەۋگە تىرىساتىنىن، بۇكىل ەل الدىندا وزىنە جۇكتەلگەن مىندەت پەن جاۋاپكەرشىلىكتى جاقسى سەزىنىپ جۇرگەنىن، ەل نامىسىن ابىرويمەن قورعاۋعا قولدا بار كۇش-جىگەردىڭ ءبارىن سالاتىنىن ايتتى.
داستان كەنجالين،
استانا
