وليمپيادا جولداماسى ءۇشىن قايپانوۆ پەن شالىگينا ءۇشىنشى رەت تالاسادى

9-12 مامىر ارالىعىندا تۇركيانىڭ ىستانبۇل قالاسىندا كۇرەستەن الەمدىك ليتسەنزيالىق ءتۋرنيردىڭ سوڭعى جولداماسى ۇلەستىرىلەدى.

كۇرەستىڭ ءۇش تۇرىنەن 54 ليتسەنزيا باسكە تىگىلەدى. ءار سالماقتا 1، 2 جانە 3-ورىن العان سپورتشىلار پاريج وليمپياداسىنىڭ جولداماسىنا يە بولىپ، ءحححىىى جازعى وليمپيالىق ويىندارعا قاتىسادى.

ىستانبۇل بوز كىلەمىندە قازاقستاننان 11 بالۋان ليتسەنزياعا تالاسادى. ولار مىنالار:

9-10 مامىر

گرەك-ريم كۇرەسى:

67 كگ: دىنمۇحاممەد قوشقار;

97 كگ: يۋسۋف ماتسيەۆ.

 

10-11 مامىر

ايەلدەر كۇرەسى:

50 كگ: لاۋرا عانيقىزى;

53 كگ: مارينا سەدنەۆا;

57 كگ: لاۋرا الماعانبەتوۆا;

62 كگ: يرينا كۋزنەتسوۆا;

68 كگ: ەلەنا شالىگينا;

76 كگ: ەلميرا سىزدىقوۆا.

 

11-12 مامىر

ەركىن كۇرەس:

57 كگ: راحات قالجان;

65 كگ: ادلان اسقاروۆ;

74 كگ: نۇرعوجا قايپانوۆ.

ايتا كەتەيىك، كۇرەستەن قازاقستان كومانداسىندا وليمپيادانىڭ 7 جولداماسى بار. وسى جولداماعا ەرلەر اراسىندا ەركىن كۇرەستەن نۇرعوجا قايپانوۆ پەن ايەلدەر اراسىندا ەلەنا شالىگينا ءۇشىنشى رەت بوزكىلەمگە شىعىپ، تالاسىپ كورەدى. سوندا كۇرەس تۇرلەرى فەدەراتسياسىندا ولاردان باسقا رەزەرۆ جوق پا دەگەن وي تۋىندايدى.

 

ايبەك مۇحانوۆ،

اقتاۋ