بۇگىن بوكستان «ەلوردا كۋبوگى» ءىىى حالىقارالىق ءتۋرنيرى باستالادى

بۇگىن استانادا تۋريزم جانە سپورت مينيسترلىگى، قالالىق سپورت باسقارماسى مەن قازاقستان بوكس فەدەراتسياسىنىڭ ۇيىمداستىرۋىمەن بوكستان ەرەسەكتەر اراسىندا «ەلوردا كۋبوگى» ءىىى حالىقارالىق ءتۋرنيرى باستالادى، دەپ حابارلادى بوكس فەجەراتسياسى.

تۋرنير 18 مامىرعا دەيىن بولادى. وعان وزبەكستان، موڭعوليا، يران، ءۇندىستان، جاپونيا، ماروككو، ازەربايجان، تاجىكستان، كورەيا، قىرعىزستان، قىتاي مەن قازاقستاننىڭ ءبىرىنشى، ەكىنشى جانە ءۇشىنشى ءنومىرلى كوماندالارى قاتىسىپ، كۇش سىناسادى.

بۇگىنگى كۇنى استانادا وقۋ-جاتتىعۋ جيىنىن وتكىزىپ جاتقان قازاقستان ەرلەر كومانداسى بۇل جارىسقا وليمپيادالىق قۇراممەن قاتىسادى.

تۋرنيردە ەرلەر 46-48، -51، -54، -57، -60، -63،5، -67، -71، -75، -80، -86، -92 جانە 92 كەلىدەن اسا سالماقتا قولعاپ تۇيىستىرەدى.

ايەلدەر 45-48، -50، -52، -54، -57، -60، -63، -66، -70، -75، -81 جانە 81 كەلىدەن اسا سالماقتا شارشى الاڭعا شىعادى.

تۋرنيردە اقشالاي سىياقى قاراستىرىلعان. ءار سالماق دارەجەسىندە جەڭىمپازعا 700 اقش دوللارى، ەكىنشى ورىنعا 400 اقش دوللارى، ءۇشىنشى ورىنعا 200 اقش دوللارى بەرىلەدى.

ءتۋرنيردىڭ اشىلۋ سالتاناتى ساعات 12:00-دە تۇران داڭعىلى 4/2 مەكەنجايىندا ورنالاسقان Beeline Arena ۇلتتىق تەننيس ورتالىعىندا باستالادى.