Elorda Cup týnırinde jartylaı fınalıster anyqtaldy (VIDEO)

Astanada bokstan eresekter arasynda bastalǵan «Elorda kýbogy» halyqaralyq týrnıriniń úshinshi kúni erler básekesinde jartylaı fınalǵa Qazaqstannyń 31 boksshysy shyqty.

Olardyń arasynda birinshi, ekinshi jáne úshinshi nómirli bolyp ózara qolǵap túıistirgen otandastarymyz da bar.

57 keli salmaqta Mahmud Sabyrhan О́zbekstannyń byltyrǵy el chempıonatynyń kúmis júldegeri Hýdoınazar Faızovty 4:1 esebimen, 51 kelide Sáken Bıbosynov 2022 jylǵy 22 jasqa deıingi Azııa chempıony Mýhammadkodır Mamırjonov (О́zbekstan) 5:0 esebimen aıqyn basymdyqpen jeńdi. Osy salmaqta Asyljan Serikbaı da Japonııanyń chempıony Keıta Nakaıamadan 5:0 esebimen aılasyn asyrdy. Sol sekildi Orazbek Asylqulov ázerbaıjanlyq Kamıl Mamaevty tize búktirdi.

Serik Temirjanov (60 kg) pen Aslanbek Shymbergenov (71 kg) te Úndistannyń boksshylaryn «besinshi» buryshty izdeýge májbúrledi. Temirjanov Azııa chempıonatynyń qola júldegeri Varınder Sınhty, Shymbergenov Hıtesh Hıteshti jeńdi. Eki jekpe-jekte te esep 5:0 bolyp aıaqtaldy.

71 keli salmaqtaǵy Aman Qonysbekov Japonııa chempıony Nobýhoro Hıranakany tize búktirdi. Bul aıqastaǵy esep te 5:0 boldy.

О́kinishke qaraı, 75 kelidegi Nurqanat Raıys О́zbekstannyń 2023 jylǵy álem chempıonatynyń kumis medalısi Alohon Abdýllaevtan 1:4 esebimen jeńilip qaldy.

Elimizdiń ekinshi jáne úshinshi nómirli boksshylarynyń jekpe-jekterinde 60 kelide Ádilet Qurmetov Oralbek Ábdiqadyrovty, Talǵat Syrymbetov Madııar Danııarovty (О́zbekstan), 63,5 kelide Jandos Qydyrálıev Ázerbaıjan boksshy Ramazan Abdýllaevty,  67 kelide Nurbek Mursal ózbekstandyq  Shahboz Ýnısalıevti jeńdi. Bul jekpe-jekterdegi esepterdiń bári de 5:0 bolyp aıaqtaldy.

71 kg salmaqta Tezek Temirhan Tájikstannyń boksshysy Faızalı Gýlomovty, 75 kelide Azamat Bektas japonııalyq Daıko Sýnagadan, Tımýr Nurseıitov ózbekstandyq Sardor Shomýrodovtan, Armat Armanuly ázerbaıjandyq Rasım Shobanlıdan basym tústi.

48 kelide Ashat Júsipov pen Ryshan Tálip, Bekzat Aldamjarov (51 kg), Kárim Serkebaev, Dáýlet Moldashev, Tımýr Qabdeshev, Jandáýlet Sársenbaev (54 kg), Ádilet Qurmetov, Almat Ábdýálı  (63,5 kg), Baqtııar Smaǵulov (67 kg),

Sóıtip, Qazaqstannan ½ fınalǵa 31 boksshy, О́zbekstannan- 5, Úndistannan – 4, Japonııa men Irannan úsh-úshten, Qytaı, Ázerbaıjan men Qyrǵyz Respýblıkasynan eki-eki adamnan shyqty.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)