Elimizge «Bolashaqtyń oıyndary» týrnıriniń komıssııalary keldi

Týrızm jáne sport mınıstri Ermek Marjyqpaev 2026 jyly Qazaqstanda ótetin «Bolashaqtyń oıyndaryn» aldyn ala baǵalaý úshin arnaıy kelgen Phygital International halyqaralyq kompanııasynyń ókilderimen kezdesti, dep habarlady Týrızm jáne sport mınıstrligi.

Phygital International halyqaralyq kompanııasy «Bolashaqtyń oıyndary» týrnıriniń quqyǵyn ıelengen. Phygital International baǵalaýshylary Astana qalasynda 15-18 mamyr aralyǵynda tekseris júrgizedi.

Qazir kıbersport federaııasymen birigip, 2026 jyly Astana qalasynda ótkizýdi josparlap otyrǵan «Bolashaqtyń oıyndaryna» daıyndyq jumystaryn bastadyq. Mınıstrlik tarapynan Qazaqstanda osy saıysty laıyqty deńgeıde ótkizý úshin barlyq qajetti sharalar qabyldanady, — dedi Ermek Marjyqpaev.

Phygital International ókilderi EXPO halyqaralyq kórme ortalyǵy, Jaqsylyq Úshkempirov atyndaǵy Jekpe-jek saraıy, «Barys Arena» sport kesheni, Qazaqstan jeńil atletıka sport kesheni, «Alaý» muz aıdyny saraıy, «Saryarqa» velotregi, «Astana Arena» stadıony jáne basqa da qalanyń sport nysandaryn aralap, baǵalaıdy.

Bıylǵy jyldyń 1 qazanynda 2026 jylǵy oıyndardy ótkizý múmkindigin jeńip alǵan qala anyqtalady.

Eske sala ketsek, 21 aqpanynda memleket basshysy Qasym-Jomart Toqaev Tatarstannyń Qazan qalasynda «Bolashaqtyń oıyndarynyń» ashylý saltanatyna qatysyp, Qazaqstanda ótkizý týraly oıyn bildirgen edi. Qazaqstan prezıdentiniń tapsyrmasyna sáıkes, jarys 2026 jyly elimizde uıymdastyrý josparlanǵan.