Olımpıadanyń kúmis medalin alatynyma senbedim – Anna Nurmuhambetova

2012 jyly aýyr atletıkadan Ulybrıtanııanyń astanasy – London qalasynda ótken jazǵy Olımpııalyq oınyndarda besinshi oryn alǵan otadasymyz Anna Nurmuhambetova araǵa 12 jyl salyp, Olımpıadanyń kúmis júldesine ıe boldy.

Oǵan Olımpıadanyń kúmis medali Perýdyń astanasy — Lımada sporttyń osy túrinen ótip jatqan jasóspirimder arasyndaǵy álem chempıonatynda saltanatty túrde tabys etildi.

Eske sala ketsek, 2012 jylǵy Olımpıadada Anna Nurmuhambetova 69 kelige deıingi salmaqta jalpy esepte besinshi oryn alǵan bolatyn. Sol kezde Halyqaralyq Olımpıada komıteti chempıon atanyp, júlde alǵan sportshylardyń tyıym salynǵan zattardy qoldanǵanyna kúmán keltirip, medalısterdi teksergende Marına Shkermankova (Belarýs) men Dına Sazanovetiń (Belarýs) dopıngti paıdalanǵany anyqtaldy. Sóıtip, olar sporttan shettetilip, arada biraz ýaqyt ótkende júldeler qaıta úlestirildi. Belarýs sportshylarynyń nátıjesi qaıta qaralyp, joıylǵan soń, Nýrmýhambetova qola medal aldy.

Sodan keıin 2020 jyly kúmis medal alǵan rýmyn atleti Roksana Kokoshtyń synamasy qaıta tekserilip, odan da dopıng anyqtaldy. Keıin onyń da nátıjesi joıylyp, kúmis júldesin qaıtaryp berdi.

Qaıta medal úlestirý kezinde Anna Nurmuhambetova ekinshi orynǵa kóterilip, onyń qola medali kolýmbııalyq Ýbaldına Valeske berildi.

Endi qazirgi esep boıynsha Qazaqstan London Olımpıadasynan 3 altyn, 2 kúmis, 6 qola júlde alyp otyr.

Anna Nurmuhambetova – 1993 jyly Qostanaı oblysynda. Ol balalar úıinde tárbıelengen. Bala úıinen keıin Kókshetaý qalasyna kóship barǵan. Sol jerdegi qalalyq sport mektebinde jattyqqan.

Mundaı sheshimdi dopıng-synamalardy qaıta tekserip, medalderdi qaıta taǵaıyndaǵannan keıin Halyqaralyq Olımpıada komıtetiniń tártiptik komıssııasy men CAS sporttyq arbıtraj soty qabyldady.

Men shynymdy aıtaıyn, osy qýanyshty estigende óte tolqdym.  Buǵan sený qıyn boldy. Degenmen, 12 jyl ótti. Soǵan qaramastan, men bul oqıǵaǵa, osy medalǵa sheksiz qýanyshtymyn, — dedi Anna Nurmuhambetova.

Ol óziniń sporttyq mansabyn aıaqtap, qazir «Býrabaı» BJSM-de sport ádiskeri bolyp jumys isteıdi.

Dastan KENJALIN,

ASTANA