قازاقستان – يندورحوككەيدەن ازيا كۋبوگىنىڭ قولا جۇلدەگەرى!

تالدىقورعان قالاسىندا يندورحوككەيدەن ازيا كۋبوگى ءۇشىن تۋرنير اياقتالدى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

تۋرنيردە قازاقستان ەرلەر قۇراماسى قولا جۇلدەگەر اتاندى. ولگا ۋرمانوۆا جاتتىقتىراتىن كوماندامىز تايلاند ويىنشىلارىن 7:2 ەسەبىمەن ايقىن باسىمدىقپەن جەڭدى.

ماچتا امان ەلۋباەۆ پوكەر جاساسا (4 گول)، ەركەبۇلان دۇيسەنبەكوۆ، ەرمەك تاشكەەۆ پەن تىلەك وزبەك ءبىر-ءبىر گولدىڭ اۆتورى اتاندى. ال قاقپاشى لەنۋر ۆيشنياكوۆ ويىننىڭ ۇزدىك ويىنشىسى اتاعىن الدى.

فينالدا يران مەن يندونەزيا قۇراماسى فينالعا شىعىپ، 2025 جىلى حورۆاتيادا وتەتىن الەم چەمپيوناتىنا سارى قۇرلىقتان جولداما الدى.

بۇل ويىندا يران قۇراماسى قارسىلاستان 7:1 ەسەبىمەن باسىم ءتۇستى.

ءبىر اپتاعا سوزىلعان ازيا كۋبوگىندا 8 ەلدىڭ حوككەيشىلەرى جينالىپ، سىنعا ءتۇستى.

ءسويتىپ، ەرلەر قۇراماسى التىنشى رەت ازيا كۋبوگىندا جۇلدە الدى. قازاقستان بۇعان دەيىن ءۇش رەت كۇمىسپەن (2015، 2017 جىلى كاتاردا، 2019 جىلى چونبۋريدە) كۇتپەلسە، تاعى ءۇش رەت قولا (2014، 2022، 2024) جۇلدەنى جەڭىپ العان بولاتىن.