فۋتزالدان الەم چەمپيوناتىنىڭ جەرەبەسى تارتىلدى

وزبەكستاننىڭ سامارقاند قالاسىندا 14-قىركۇيەك پەن 6-قازان ارالىعىندا فۋتزالدان بولاتىن الەم چەمپيوناتىنىڭ جەرەبەسى تارتىلدى.

الەمدىك دودا وزبەكستاننىڭ ءۇش قالاسىندا – تاشكەنت، بۇحارا مەن ءاندىجاندا بولادى.

جەرەبە تارتۋ ءراسىمى رەگيستان الاڭىندا بولدى.

قازاقستان ۇلتتىق قۇراماسى جەرەبە قورىتىندىسى بويىنشا D توبىنا ءتۇستى. قارسىلاستارى – يسپانيا، جاڭا زەلانديا مەن ليۆيا قۇرامالارى.

قۇراما كوماندانىڭ توپتىق كەزەڭىندەگى ويىندارى 15، 18 جانە 21 قىركۇيەكتە ءاندىجان مەن تاشكەنتتە وتەدى.

بيىل قازاقستان تورتكۇل دۇنيە دوداسىنا ءتورتىنشى رەت قاتىسادى. بۇعان دەيىن ۇلتتىق قۇراما  گۆاتەمالا، كولۋمبيا مەن ليتۆادا وتكەن الەم چەمپيوناتتارىنا قاتىسقان ەدى

ءبىرىنشى ويىن 15 قىركۇيەككە جوسپارلانىپ وتىر. وسى كۇنى كاكانىڭ جاساقتاعان كومانداسى  يسپانيا قۇراماسىمەن اندىجانداعى امبەباپ سپورت كەشەنىندە كەزدەسەدى. ودان كەيىن ەلىمىزدىڭ باس كومانداسى 18 قىركۇيەك ليۆيامەن وينايدى. بۇل ماتچ تا اندىجانداعى امبەباپ سپورت كەشەنىندە بولادى.

21 قىركۇيەكتە تاشكەنتتىڭ«حۋمو ارەنا» ستاديونىندا قازاقستان مەن جاڭا زەلانديا كوماندالارى الاڭعا شىعادى.

باسقا توپتاردا مىنا كوماندالار وينايدى:

ا توبى

وزبەكستان

نيدەرلاندى

پاراگۆاي

كوستا-ريكا

ۆ توبى

برازيليا

كۋبا

حورۆاتيا

تايلاند

س توبى

ارگەنتينا

ۋكراينا

اۋعانستان

انگولا

ە توبى

پورتۋگاليا

گۆاتەمالا

تاجىكستان

ماروككو

F توبى

يران

ۆەنەسۋەلا

پاناما

فرانتسيا

 

داستان كەنجالين،

استانا