Qazaqstan boksshylary týrnırdi jeńispen bastady (VIDEO)

Taılandtyń astanasy – Bangkok qalasynda bokstan Parıj Olımpıadasynyń joldamasy beriletin sońǵy týrnır bastaldy.

50 kg deıingi salmaqtaǵy Nazym Qyzaıbaı, 63,5 kelidegi Muhammedsabyr Bazarbaıuly men 60 keli salmaqtaǵy Rımma Volosenko erler jáne áıelder quramalarynan alǵashqy bolyp jekpe-jekke shyǵyp, qarsylastaryn jeńdi.

Nazym Qyzaıbaı Slovakııa ókili Nıkol Dýrıkovadan aılasyn asyrdy.

Bul – Qyzaıbaıdyń Parıj Olımpıadasynyń joldamasyna talasyp jatqan ekinshi jarysy. Buǵan deıin ol 2023 jyly Qytaıdyýń Hanchjoý qalasynda ótken jazǵy Azııa oıyndarynda bir ǵana qadam qalǵan kezde súringen edi.

Osydan keıin sharshy alaǵa kóterilgen Muhammedsabyr Bazarbaıuly jastar arasyndaǵy álem chempıonatynyń qola júldegeri Krıstıan Laýrenteni (Fılıppın) 5:0 esebimen tize búktirdi.

Jekpe-jekte Fılıppın ókilinen erejeni qaıta-qaıta buzǵany úshin eki ret upaıy alynyp tastaldy. Bul — otandasymyzdyń Parıj Olımpıadasynyń joldamasyna talasyp jatqan ekinshi jarysy. Buǵan deıin ol birneshe aı buryn Italııanyń Býsto-Arsııo qalasyndaǵy álemdik irikteý kezeńiniń ekinshi kezeńine deıin jetken bolatyn.

Ulttyq quramanyń taǵy bir sportshysy Rımma Volosenko Germanııa sportshysy Marııa Gangbaýerdan aılasyn asyrdy. Onyń qarsylasy úshinshi raýndta ereje buzyp, bir upaıy joǵaltyp aldy.

Volosenko osymen Parıj Olımpıadasynyń joldamasyna úshinshi ret baq synap jatyr.

Dastan KENJALIN,

ASTANA