SportPress.kz Qazaqstan sport jańalyqtary
Dene shynyqtyrý jáne buqaralyq sport akademııasynyń ujymy men stýdentteri osy bilim ordasynyń stýdenti, 20 jasqa deıingi shahmattan álem chempıony Qazybek Nógerbekpen kezdesti, dep habarlady oqý ornynyń baspasóz qyzmeti.
Qazybek Nógerbek – akademııanyń stýdenti ǵana emes, onyń maqtanyshy. Kezdesý suraq-jaýap pishininde boldy. Osy basqosýda jastar arasyndaǵy álem chempıony batyl málimdeme jasap, aldaǵy ýaqytta Norvegııanyń shahmatshysy, álemniń 16-álem chempıon (2013—2023), shahmattyń klassıkalyq, rapıd jáne blı túrlerinen álem chempıony Magnýs Karlsendi jeńetinin aıtty. Eger onyń oıy iske assa, Qazybek Nógerbektiń jeńisi búkil elimizge úlken abyroı ákelip, mereıimizdi ósiretini sózsiz, — delingen habarlamada.
Qazybek Nógerbek jaqynda Úndistannyń Gandınagar qalasynda ótken 20 jasqa deıingi shahmatshylar arasyndaǵy álem chempıonatynda altyn júldeni jeńip aldy.
Ol klassıkalyq shahmattan 11 týrdan keıin 8,5 upaı jınady. Qazir Qazybek Nógerbektiń FIDE-degi reıtıngi – 2501.
Nógerbek ınnovaııalyq bilim berý baǵdarlamasynda shahmattan pedagog-jattyqtyrýshy mamandyǵy boıynsha oqıdy. Bul jeńis shahmatshyǵa altyn medal ǵana emes, Álem kýbogyna joldama da alyp berdi.
Osyǵan baılanysty memleket basshysy Qasym-Jomart Toqaev shahmatshyǵa quttyqtaý hatyn joldady.
El namysyn qorǵap, úzdik shahmatshy retinde grossmeıster dárejesin ıelenip, álem chempıony ataný – zor jetistik. Ultymyzdyń abyroıyn asqaqtatatyn óziń sııaqty alǵyr da aqyldy urpaqtyń ósip kele jatqany qýantady. Aldaǵy ýaqytta da jarqyn jeńisterge jáne arman-maqsattaryńa jete berýińe tilektespin, – delingen jedelhatta.
Qazybek Nógerbek osydan eki jyl buryn Grekııada ótken 18 jasqa deıingi oıynshylar arasyndaǵy álem chempıonatynda rapıd pen blıte chempıon atanǵan bolatyn.
