ازىق-ت ۇلىك قاۋىپسىزدىگى – ۇلتتىڭ ساۋلىعى

بىلتىر مەملەكەت باسشىسى قاسىم-جومارت توقاەۆ يتالياعا ساپارىندا ازىق-ت ۇلىك جانە اۋىل شارۋاشىلىعىنىڭ قاۋىپسىزدىگى جايلى كەلەلى ماسەلەلەردى كوتەرگەن بولاتىن.

وسىعان وراي، جاقىندا الماتىدا «وسىمدىكتەردى زيانكەستەردەن قورعاۋدىڭ ينتەگرالدى جۇيەسى: تۇراقتى اۋىل شارۋاشىلىعى تاجىريبەلەرىن ىلگەرىلەتۋ» سەمينارى ءوتتى. ءىس-شارادا بىرىككەن ۇلتتار ۇيىمىنىڭ ازىق-ت ۇلىك جانە اۋىل شارۋاشىلىعى ۇيىمى (فاو) قازاقستاندا پەستيتسيدتەردى قولدانۋدى قىسقارتۋ جانە زيانكەستەرمەن كۇرەسۋدىڭ نەعۇرلىم قاۋىپسىز جانە ەكولوگيالىق تۇراقتى ادىستەرىن ەنگىزۋ ماقساتىندا ازىرلەنگەن وسىمدىكتەردى قورعاۋدىڭ ينتەگرالدى جۇيەسى جونىندەگى ۇلتتىق ستراتەگيانىڭ جوباسىن ۇسىنادى. سەمينار «ورتالىق ازيا ەلدەرىندە جانە تۇركيادا پەستيتسيدتەردىڭ ومىرلىك تسيكلىن باسقارۋ جانە تول-پەستيتسيدتەردى جويۋ» فاو/جەق جوباسى اياسىندا ۇيىمداستىرىلدى.

كونفەرەنتسيادا اۋىل شارۋاشىلىعى مينيسترلىگى وسىمدىكتەردى قورعاۋ باسقارماسىنىڭ باسشىسى، اگروونەركاسىپتىك كەشەندەگى مەملەكەتتىك ينسپەكتسيا كوميتەتى المات سۇلەيمەنوۆ، «ۇلتتىق اگرارلىق عىلىمي-ءبىلىم بەرۋ ورتالىعى» كەاق توراعاسىنىڭ ورىنباسارى ەرجان اينابەكوۆ، فاو-نىڭ IPM جانە كليماتقا توزىمدىلىك جونىندەگى حالىقارالىق كەڭەسشىسى جۋجاننا كەرەشتەس، جيەمباەۆ اتىنداعى قازاق وسىمدىكتەردى قورعاۋ جانە كارانتين عىلىمي-زەرتتەۋ ينستيتۋتىنىڭ وسىمدىكتەر كارانتينى ءبولىمىنىڭ مەڭگەرۋشىسى جاننا يسينا، قازاق وسىمدىكتەردى قورعاۋ جانە كارانتين عىلىمي-زەرتتەۋ ينستيتۋتىنىڭ ديرەكتورى باقىتجان دۇيسەمبەكوۆ كەلەلى پىكىرلەر ايتىپ، بۇگىنگى كۇندە اۋىلشارۋاشىلىق سالاسىندا ورىن الىپ جاتقان وزەكتى ماسەلەلەردى ورتاعا سالدى.

ستراتەگيا 2023-2024 جىلدارى قازاقستاندا فاو ساراپشىلارى جۇرگىزگەن تابىستى دالالىق سىناقتار مەن تاجىريبەلەر نەگىزىندە ازىرلەندى. بۇل سىناقتار زيانكەستەرمەن كۇرەسۋدىڭ بالاما ادىستەرىنىڭ جوعارى تيىمدىلىگىن كورسەتتى، حيميالىق زاتتاردى قولدانۋ ايتارلىقتاي تومەندەدى. اتاپ ايتقاندا، الما باقتارىندا، سونداي-اق قىزاناق پەن قىرىققابات ەگىستىكتەرىندە فەرمەرلەر شىعىنداردى ارتتىرماي پەستيتسيدتەردى قولدانۋدى 70% — عا دەيىن قىسقارتا الدى.

وسىمدىكتەردى قورعاۋدىڭ ينتەگرالدى جۇيەسى – بۇل ەڭ الدىمەن زيانكەستەرمەن كۇرەسۋدىڭ تابيعي مەحانيزمدەرىن قولداناتىن كەشەندى ءتاسىل، ال پەستيتسيدتەردى قولدانۋ تەك توتەنشە جاعدايلاردا ۇسىنىلادى. بۇل ءتاسىل فەرمەرلەرگە ادام دەنساۋلىعى مەن قورشاعان ورتاعا قاۋىپ-قاتەردى ازايتا وتىرىپ، ەكولوگيالىق تازا ءونىم وسىرۋگە مۇمكىندىك بەرەدى. وسىعان بايلانىستى، فاو ISR پايدالانۋدى بەلسەندى تۇردە ىنتالاندىرادى جانە ونى ءارتۇرلى ەلدەردىڭ ەرەكشەلىكتەرىنە بەيىمدەۋگە كومەكتەسەدى.

سەمينار اۋىل شارۋاشىلىعى مينيسترلىگىنىڭ، عىلىمي ينستيتۋتتاردىڭ، سونداي-اق اۋىل شارۋاشىلىعى وندىرۋشىلەرىنىڭ وكىلدەرى سياقتى نەگىزگى مۇددەلى تاراپتارمەن ستراتەگيانى تالقىلاۋدىڭ ماڭىزدى ساتىسى بولىپ تابىلادى. ءىس-شارانىڭ نەگىزگى ماقساتى – ستراتەگيانى جان-جاقتى پىسىقتاۋ جانە ۇلتتىق دەڭگەيدە ودان ءارى ىسكە اسىرۋ.

سالتانات قاجىكەن،

الماتى