وليمپيادا جۇلدەگەرى ۇلتتىق قۇرامانىڭ باس باپكەرى بولدى

كاراتەدەن (WKF) توكيو وليمپياداسىنىڭ قولا جۇلدەگەرى دارحان ءاسادىلوۆ قازاقستان ۇلتتىق قۇراماسىنىڭ باس جاتتىقتىرۋشىسى قىزمەتىنە تاعايىندالدى، دەپ حابارلادى قازاقستان كاراتە فەدەراتسياسىنىڭ ءباسپاسوز قىزمەتى.

دارحان ءاسادىلوۆ كاسىبي سپورتتا ايتۋلى جەتىستىككە جەتكەن. بۇل قاتاردا توكيو وليمپياداسىنداعى (-60 كگ) قولا جۇلدەنى، الەم چەمپيوناتىنىڭ كۇمىس مەدالى (2008) مەن قولا جۇلدەسىن (2018)، گۋانچجوۋداعى ازيا ويىندارىنىڭ التىن مەدالىن اتاپ ايتۋعا بولادى. سونداي-اق ول — سپورتتىڭ وسى تۇرىندەگى ەڭ بەدەلدى جارىس Karate-1 پرەمەر-ليگا باسەكەسىنىڭ 8 دۇركىن جەڭىمپازى.

ايتا كەتەيىك، دارحان ءاسادىلوۆ وسىعان دەيىن شىمكەنت قالاسىنداعا سپورت مەكتەبى مەن قازاقستان جاستار قۇراما كومانداسىندا جاتتىقتىرۋشى بولدى.

دارحان ءاسادىلوۆ — قازاق كاراتەسىن جاڭا دەڭگەيگە كوتەرگەن بىرەگەي سپورتشى. الداعى قىزمەتتە وتانداسىمىز ءوزىنىڭ تاجىريبەسىن سپورتشىلارعا كورسەتىپ، دايارلاۋعا جۇمسايتىنىنا سەنىمدىمىز.

ءاسادىلوۆ ءۇشىن باس باپكەر قىزمەتىندەگى العاشقى حالىقارالىق جارىس مامىردىڭ اياعىندا تاشكەنتتە وتەتىن ازيا چەمپيوناتى بولادى.

باس جاتتىقتىرۋشىنىڭ الداعى ماقساتى — ۇلتتىق قۇرامانىڭ جاتتىقتىرۋشىلار قوسىنىن جاساقتاۋ، كەلەسى جىلى جاپونيادا وتەتىن جازعى ازيا ويىندارىنا تىڭعىلىقتى دايىندالىپ، جاقسى ناتيجە كورسەتۋ.