Olımpıada júldegeri ulttyq quramanyń bas bapkeri boldy

Karateden (WKF) Tokıo Olımpıadasynyń qola júldegeri Darhan Asadilov Qazaqstan ulttyq quramasynyń bas jattyqtyrýshysy qyzmetine taǵaıyndaldy, dep habarlady Qazaqstan karate federaııasynyń baspasóz qyzmeti.

Darhan Asadilov kásibı sportta aıtýly jetistikke jetken. Bul qatarda Tokıo Olımpıadasyndaǵy (-60 kg) qola júldeni, álem chempıonatynyń kúmis medali (2008) men qola júldesin (2018), Gýanchjoýdaǵy Azııa oıyndarynyń altyn medalin atap aıtýǵa bolady. Sondaı-aq ol — sporttyń osy túrindegi eń bedeldi jarys Karate-1 Premer-lıga básekesiniń 8 dúrkin jeńimpazy.

Aıta keteıik, Darhan Asadilov osyǵan deıin Shymkent qalasyndaǵa sport mektebi men Qazaqstan jastar qurama komandasynda jattyqtyrýshy boldy.

Darhan Asadilov — qazaq karatesin jańa deńgeıge kótergen biregeı sportshy. Aldaǵy qyzmette otandasymyz óziniń tájirıbesin sportshylarǵa kórsetip, daıarlaýǵa jumsaıtynyna senimdimiz.

Asadilov úshin bas bapker qyzmetindegi alǵashqy halyqaralyq jarys mamyrdyń aıaǵynda Tashkentte ótetin Azııa chempıonaty bolady.

Bas jattyqtyrýshynyń aldaǵy maqsaty — ulttyq quramanyń jattyqtyrýshylar qosynyn jasaqtaý, kelesi jyly Japonııada ótetin jazǵy Azııa oıyndaryna tyńǵylyqty daıyndalyp, jaqsy nátıje kórsetý.