ايبوتا ەرتايقىزى – ازيا چەمپيوناتىنىڭ قولا جۇلدەگەرى!

سينگاپۋر تورىندە جالاۋى جەلبىرەگەن كوركەم گيمناستيكادان ازيا چەمپيوناتىندا ايبوتا ەرتايقىزى ءوز ونەرىمەن كوز ءسۇيسىندىرىپ، جۇلدەگەرلەر قاتارىنان كورىندى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

ول جەكەلەي سىنداعى كوپسايىس قورىتىندىسىندا، ءتورت جاتتىعۋ بويىنشا 82.200 ۇپاي جيناپ، ۇزدىك ۇشتىككە ەندى. وزبەكستان سپورتشىلارى كوش باستاپ، العاشقى ەكى ورىندى يەلەندى. سونداي-اق، ايىم مەيىرجانوۆا بارلىعى  80.450 ۇپايمەن بەسىنشى ساتىدان كورىندى.

ايتا كەتەيىك، سارى قۇرلىق دوداسىنا 19 ەلدەن 100-دەن استام اتلەت باس قوسىپ، ءوز باعىن سىناپ جاتىر.

ەندى، ەرتەڭ فينال بولادى.