رىباكينا «رولان گارروس» تۋرنيرىندە جەڭىسكە جەتتى

قازاقستاننىڭ ءبىرىنشى، الەمنىڭ 11-راكەتكاسى ەلەنا رىباكينا فرانتسيانىڭ استاناسى – پاريج قالاسىندا ءوتىپ جاتقان «رولان گارروس» ءتۋرنيرىن ءساتتى باستادى، دەپ حابارلادى قازاقستان تەننيس فەدەراتسياسى.

ول دۇنيەجۇزىلىك رەيتينگىدە 202-ورىندا تۇرعان ارگەنتينالىق، 22 جاستاعى تەننيسشى حۋليا ريەرامەن وينادى.

ءبىرىنشى پارتيادا رىباكينا ەكى برەيك جاساپ، 5:1 ەسەبىمەن العا شىقتى. ودان كەيىن سەتكە دوپ بەرگەندە، ەسەپتى 6:1-گە جەتكىزدى.

ەكىنشى سەتتە رىباكينا ەكى رەت العا شىققانىمەن، ريەرا دا ودان قالماي، تابلوداعى ەسەپتى  ءوز پايداسىنا وزگەرتتى. ەسەپ — 6:4. ءۇشىنشى سەتتە ەلەنا رىباكينا 6:4 ەسەبىمەن جەڭىسكە جەتتى.

ەندى وتانداسىمىز ءۇشىنشى اينالىمعا شىعۋ ءۇشىن رەيتينگىدە 129-ساتىداعى امەريكالىق، 17 جاستاعى يۆا يوۆيچپەن كۇش سىناسادى.