Astanadaǵy bokstan Álem kýbogyna qatysatyn quramalar kóbeıip jatyr

Astanada bokstan Álem kýbogyna qatysatyn quramalar kóbeıip jatyr. Qolda bar derekke qaraǵanda, qazir 33 memlekettiń bylǵary qolǵap sheberi jarysqa daıyndalýda.

Álem kýbogyna jer-júziniń úzdik boksshylary qatysady dep josparlanyp otyr. El quramasy birinshi quramymen sharshy alańǵa shyǵady.

Álem kýbogy Jaqsylyq Úshkempirov atyndaǵy jekpe-jek saraıynda bolady.

World Boxing týrnıri úsh kezeńnen turady. Sáýir aıynda Brazılııanyń Fos-dý-Igýasý qalasynda World Boxing aıasynda ótken Álem kýbogynda Dáýlet Tólemisov (85 kg), Nursultan Altynbek (55 kg) pen Jazıra Oraqbaeva (51 kg) kýboktyń ıegeri atandy. Al Uljan Sársenbek (57 kg), Dıas Moljigitov (75 kg) pen Danııal Saparbaı (90 keliden asa) qola júldege ıe boldy.

Endi úshinshi kezeń 21-27 shilde aralyǵynda ótedi. Qazir onyń qaıda bolatyny belgisiz.

Bas jattyqtyrýshy Qaırat Sátjanovtyń aıtýynsha, bul synda ol birinshi nómirli bylǵary qolǵap sheberlerine úmit artady. Olardyń arasynda Sanjar Táshkenbaı (50 kg), Mahmud Sabyrhan (55 kg), Serik Temirjanov (60 kg), Ertýǵan Zeınýllınov (65 kg), Abylaıhan Júsipov (70 kg), Sabyrjan Aqqalyqov (75 kg), Nurbek Oralbaı (80 kg), Bekzad Nurdáýletov (85 kg), Saǵyndyq Toǵambaı (90 kg) men Aıbek Oralbaı (90 keliden asa) bar.

Ulttyq qurama alǵashqy oqý-jattyǵý jıynyn 1-18 mamyr aralyǵynda Túrkistan oblysynda ótkizdi. Endi daıyndyqtyń ekinshi kezeńi 26 mamyr-9 maýsym aralyǵynda Aqmola oblysy Щýche qalasynda bolady.

Sońǵy oqý-jattyǵý jıyny 17-29 maýsym aralyǵynda ótedi. Bul — halyqaralyq deńgeıde ótetin birikken jattyǵý jıyny. Oǵan AQSh, Kanada, Irlandııa, Brazılııa men Avstralııa elderdiń boksshylary qatysady.

Dastan KENJALIN,

ASTANA