SportPress.kz قازاقستان سپورت جاڭالىقتارى
ماروككونىڭ استاناسى – رابات قالاسىندا كاراتەدەن (WKF) جىلدىڭ قورىتىندىسى پرەمەر-ليگا ساناتىنداعى ءتۋرنيرى اياقتالدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.
بيىلعى ءتورت جارىستىڭ ناتيجەسىندە ءوز سالماعىنداعى رەيتينگتە كوپ ۇپاي جيناعان وتانداسىمىز ءمولدىر جاڭبىرباي (-50 كگ) مەن اسەل قاناي (-61 كگ) ۇزدىك سپورتشىعا بەرىلەتىن Grand Winner نوميناتسياسىنا يە بولدى.
وسىعان دەيىن ۇلتتىق قۇرامانىڭ ەكى سپورتشىسى بىردەن مۇنداي ماراپاتقا يە بولماعان. ءمولدىر جاڭبىرباي بىلتىر تۇڭعىش بولىپ 50 كگ دەيىنگى سالماقتا Grand Winner اتانعان. ول — وسى سىيلىقتى ەكى مارتە يەلەنگەن العاشقى كاراتە شەبەرىمىز.
ءمولدىر جاڭبىرباي بيىل پاريج قالاسىندا وتكەن العاشقى پرەمەر-ليگا باسەكەسىندە قولا، حانچجوۋدا كۇمىس، كايردە التىن مەدال جەڭىپ العان. اسەل قاناي پاريج بەن كايردە كۇمىس، حانچجوۋدا قولا مەدال ولجالاعان.
سونىمەن قاتار بيىل وسى اتاقتان توكيو وليمپياداسىنىڭ قولا جۇلدەگەرى سوفيا بەرۋلتسەۆا دا ءۇمىتتى بولعان. الايدا كوماندا كوشباسشىسى راباتتا توپتىق كەزەڭنەن شىعا الماي، ۇپاي سانى جاعىنان قارسىلاسىن قۋىپ جەتە المادى.
