Qazaq karateshileri tuńǵysh ret Grand Winner júldesin ıelendi

Marokkonyń astanasy – Rabat qalasynda karateden (WKF) jyldyń qorytyndysy Premer-lıga sanatyndaǵy týrnıri aıaqtaldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Bıylǵy tórt jarystyń nátıjesinde óz salmaǵyndaǵy reıtıngte kóp upaı jınaǵan otandasymyz Móldir Jańbyrbaı (-50 kg) men Ásel Qanaı (-61 kg) úzdik sportshyǵa beriletin Grand Winner nomınaııasyna ıe boldy.

Osyǵan deıin ulttyq quramanyń eki sportshysy birden mundaı marapatqa ıe bolmaǵan. Móldir Jańbyrbaı byltyr tuńǵysh bolyp 50 kg deıingi salmaqta Grand Winner atanǵan. Ol — osy syılyqty eki márte ıelengen alǵashqy karate sheberimiz.

Móldir Jańbyrbaı bıyl Parıj qalasynda ótken alǵashqy Premer-lıga básekesinde qola, Hanchjoýda kúmis, Kaırde altyn medal jeńip alǵan. Ásel Qanaı Parıj ben Kaırde kúmis, Hanchjoýda qola medal oljalaǵan.

Sonymen qatar bıyl osy ataqtan Tokıo Olımpıadasynyń qola júldegeri Sofıa Berýleva da úmitti bolǵan. Alaıda komanda kóshbasshysy Rabatta toptyq kezeńnen shyǵa almaı, upaı sany jaǵynan qarsylasyn qýyp jete almady.