SportPress.kz قازاقستان سپورت جاڭالىقتارى
استانادا ارباداعى تەننيستەن ITF Futures Series بويىنشا العاشقى ءتۋرنيردىڭ جەڭىمپازدارى انىقتالدى، دەپ حابارلادى قازاقستان تەننيس فەدەراتسياسى.
ورتالىق ازيا بويىنشا العاش رەت ۇيىمداستىرىلعان جارىسقا اقش، جاپونيا، اۆستراليا، فرانتسيا، وڭتۇستىك كورەيا، ءۇندىستان، پولشا، قىرعىزستان، رەسەي، بەلارۋس جانە ءوز ەلىمىزدىڭ وكىلدەرى قاتىسىپ، بىرنەشە كۇن بويى باق سىناستى.
ەرلەر اراسىندا جەكەلەي سىندا تۇراقتى ويىن ورنەگىن كورسەتكەن جاپونيالىق فۋدزيموتو يوشينوبۋ چەمپيون اتانسا، اۆستراليالىق مارتين دانن فينالعا دەيىن جەتتى.
ايەلدەر اراسىندا رەسەيلىك ۆيكتوريا لۆوۆا ۇزدىك شىقتى. ول فينالدا بەلارۋس وكىلى ليۋدميلا بۋبنوۆانى جەڭدى.
ەرلەردەن جۇپتىق سىندا سوڭعى باسەكەدە مارتين دانن مەن جاپونيالىق تاچي تومويانى تىزە بۇكتىرگەن فۋدزيموتو يوشينوبۋ مەن وڭتۇستىككورەيالىق دجي حۆان لي جەڭىس تۇعىرىنا كوتەرىلدى.
ايەلدەردەن جۇپتىق سىندا قازاقستاندىق ايجان بىتىمباەۆا وڭتۇستىككورەيالىق پاك چجۋ-يونمەن بىرگە قازاقستان تاريحىندا العاش رەت ITF Futures Series دوداسىنىڭ فينالىنا دەيىن جەتتى. ولار ۆيكتوريا لۆوۆا مەن قىرعىزستاندىق ءامينا مانعۇتوۆاعا عانا ەسە جىبەردى.
بۇگىن ITF Futures Series بويىنشا ەكىنشى تۋرنير باستالدى.
