Ashat Taǵybergen Qazaqstan ulttyq quramasymen qoshtasty

Búgin fýtboldan Qazaqstan quramasynyń kapıtany Ashat Taǵybergen Soltústik Makedonııa komandasymen oıynnan keıin ulttyq quramadan ketetinin aıtty.

Soltústik Makedonııamen match – meniń ulttyq quramadaǵy sońǵy oıynym boldy. Bul otbasymmen birge aqyldasqan sheshimim. Endi jastarǵa jol berý kerek. О́ıtkeni, fýtbol – básekege toly sport.

Qazir bul týraly kóp aıtylyp jatyr. Jalpy, jas degen – tek pasporttaǵy san. Men bul oryndy bosatýǵa daıynmyn.

Búgin ulttyq qurama sapynda sońǵy ret alańǵa shyqtym. Endi klýbta oınaı beremin. Barlyq matchty júrekke jaqyn qabyldadym. Ásirese, «Astana Arenadaǵy» 30 myń jankúıerdiń qoldaýy – umytylmas áser. Qoldaǵan jankúıerlerge myń alǵys.

Barshańyzǵa Alla razy bolsyn! Ulttyq quramanyń bir bólshegi bolǵanyma, kapıtany bolǵanyma óte qýanyshtymyn. Raqmet!, – dedi Ashat Taǵybergen.

Ashat Taǵybergen Qazaqstan quramasy sapynda alǵash ret alańǵa 2014 jyly 7 maýsymda shyqty. Sol kezde ol Vengrııaǵa qarsy oınady. Ulttyq qurama sapynda 63 márte alańǵa shyǵyp, úsh gol salyp, jeti nátıjeli pas berdi.

Dastan KENJALIN,

ASTANA