World Boxing: Astanada bokstan Álem kýbogy sarapqa salynady

Astanada 30 maýsym men 6 shilde aralyǵynda Olımpıadalyq World Boxing uıymynyń Qazaqstandaǵy alǵashqy jarysy bolady.

Bul dodada erler men áıelder óz salmaq dárejelerinde Álem kýbogyn sarapqa salady. Oǵan 30 elden 300 boksshy qatysady. О́zbekstan týrnırge qatysýdan bas tartty.

Qolda bar málimetke qaraǵanda, Astanaǵa AQSh, Kanada, Serbııa, Franııa, Fınlıandııa, Shveııa, Shveıarııa, Ázerbaıjan, Avstralııa, Slovakııa, Norvegııa men Germanııanyń boksshylary kelip otyr. Olar Qazaqstan ulttyq quramasymen birge jattyǵý jasap jatyr.

Bul jıynǵa  jalpy sany 100-den astam boksshy qatysýda.

Qazaqstan quramasynyń naqty quramy osy jıyn qorytyndysy boıynsha anyqtalady.

Jekpe-jekter Jaqsylyq Úshkempirov atyndaǵy jekpe-jek saraıynda bolady. Onyń ashylý saltanaty 30 maýsymda saǵat 13:00-de, al fınaldyq aıqastar 6 shildede saǵat 14:00-de bastalady.

Álem kýbogy jyldyń sońyna deıin birneshe kezeńmen ótkiziledi. Ol úsh kezeńnen turady. Reıtıngilik jarysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.

Sáýir aıynda Brazılııanyń Fos-dý-Igýasý qalasynda ótken jarysta Dáýlet Tólemisov (85 kg), Nursultan Altynbek (55 kg) pen Jazıra Oraqbaeva (51 kg) Álem kýbogynyń ıegeri atandy. Al Uljan Sársenbek (57 kg), Dıas Moljigitov (75 kg) pen Danııal Saparbaı (90 keliden asa salmaq) qola júldeni qanaǵat tutty.

Úshinshi kezeń 21-27 shilde aralyǵynda ótedi. Ázirshe onyń qaıda bolatyny belgisiz.

Týrızm jáne sport mınıstri Erbol Myrzabosynov bokstan Álem kýbogy úshin jarystyń qarsańynda Qazaqstan ulttyq quramasynyń oqý-jattyǵý jıynyna baryp, sportshylardyń daıyndyǵymen tanysty.

Dastan KENJALIN,

ASTANA