SportPress.kz Qazaqstan sport jańalyqtary
Aleksandr Býblık, Aleksandr Shevchenko, Beıbit Jýkaev, Elena Rybakına men Iýlııa Pýtıneva «Úlken dýlyǵa» týrnırindegi jarystaryn odan ári jalǵastyryp jatyr. Jastar arasynda Ýımbldonda Ámir Omarhanov, Zańǵar Nurlanuly men Damır Jalǵasbaı (irikteý) oınaıdy.
Sol sııaqty Qazaqstannyń juptyq syndaǵy birinshi, álemniń 9-raketkasy Anna Danılına Ulybrıtanııanyń Istbýrn qalasynda ótip jatqan WTA 250 týrnırinde jaman oınap jatqan joq. Álemniń 274-raketkasy Zarına Dııas ta Ispanııanyń kortynyń shańyn qaǵyp jatyr.
Endi bárin ret-retimen aıtsaq.
Beıbit Jýkaev alǵash ret Ýımbldon jarysyna joldama aldy
Álemniń 251-raketkasy Beıbit Jýkaev Ýımbldon týrnıriniń irikteý saıysyn sátti aıaqtady
Ol irikteý saıysynyń fınalynda álemniń 239-raketkasy, franııalyq Lýka Pavlovıchti jeńdi. Birinshi partııada franııalyq tennısshi 6:3 esebimen basym tústi. Budan keıin Beıbit Jýkaev 6:3, 6:2, 7:6 (7:5) esebimen kambek jasady.
Osylaısha, 24 jastaǵy Aqtaý tennıs mektebiniń túlegi negizgi jarysqa alǵash ret joldama alyp, ózi úshin tarıhı nátıjege jetti. Al Mıhaıl Kýkýshkın, Tımofeı Skatov pen Dmıtrıı Popko irikteý synynan óte almady.
Beıbit Jýkaev byltyr irikteý saıystarynyń fınalynda franııalyq Alıssý Kantenge 3:6, 4:6, 4:6 esebimen jol berip, negizgi dodadan shet qalǵan edi.
Ýımbldon dodasy 30 maýsymda bastalady.
Sóıtip, joǵaryda atap ótkenimizdeı, «Úlken dýlyǵa» týrnırinde Qazaqstannan jekeleı synda Aleksandr Býblık, Aleksandr Shevchenko, Beıbit Jýkaev, Elena Rybakına men Iýlııa Pýtıneva óner kórsetedi. Al jastar arasyndaǵy Ýımbldonda Ámir Omarhanov, Zańǵar Nurlanuly men Damır Jalǵasbaı (irikteý) oınaıdy.
Danılına men Boýzkova dýeti de fınaldy kózdep otyr
Qazaqstannyń juptyq syndaǵy birinshi, álemniń 9-raketkasy Anna Danılına Ulybrıtanııanyń Istbýrn qalasynda ótip jatqan WTA 250 týrnıriniń jartylaı fınalyna shyqty.
Ol chehııalyq Marı Boýzkovamen birge shırek fınalda ulybrıtanııalyq Djodı Bıorredj, Sonaı Kartal degen tennısshilermen oınady.
Danılına — Boýzkova dýeti qarsylastaryn 6:4, 7:6 (7:1) esebimen jeńiske jetti. Bir jarym saǵat astam ýaqytqa sozylǵan matchta ekeýi 1 eıspen birge 12 breık-poınttyń ekeýin paıdalandy.
Endi Anna Danılına — Marı Boýzkova fınalǵa shyǵý úshin kort ıeleri Herrıet Dart — Maııa Lýmsdenmen synǵa túsedi. Bul dýet shırek fınalda jarystyń 2-raketkalary, japonııalyq Erı Hodzýmı men ındonezııalyq Aldıla Sýtdjıadıdi 6:1, 6:4 esebimen jeńdi.
Dııas — týrnırdiń tórtinshi raketkasy
Álemniń 274-raketkasy Zarına Dııas Ispanııanyń Palma-del-Rıo qalasynda jalaýy kóterilgen ITF W50 týrnıriniń ekinshi aınalymyna shyqty.
Dııas jarystyń 4-raketkasy bolyp tirkelip, birinshi oıynyn dúnıejúzilik reıtıngide 250-orynda turǵan portýgalııalyq Matılde Jorjemen oınady.
Osy matchta qazaq tennısshisi 6:3, 6:1 esebimen jeńdi. Oıyn bir jarym saǵattan astam ýaqytqa sozyldy.
Endi Zarına Dııas shırek fınalǵa shyǵý úshin álemniń 551-raketkasy, chehııalyq Tereza Martınovamen kortqa shyǵady. Ol alǵashqy aınalymda reıtıngide 392-satydaǵy Polsha ókili Martına Kýbkadan 6:4, 7:6 (9:7) esebimen basym tústi.
Otandasymyz osyǵan deıin Taýste (Ispanııa) ITF W35 jarysynyń jeńimpazy atanǵan edi.
Jibek jolynan jańylmaı keledi
Jibek Qulambaeva Serbııanyń Kýrsýmlııska Banıa qalasynda jalaýy jelbiregen ITF W15 týrnıriniń shırek fınalyna joldama aldy.
Ol jarystyń 1-raketkasy bolyp tirkelip, aldymen serbııalyq Aleksandra Djokıchti 6:0, 6:3 esebimen oısyrata jeńdi.
Ekinshi aınalymda reıtıngide 1319-orynda turǵan chehııalyq Lıýsı Ýrbanovamen oınady. Bul oıynda Jibek 6:1, 1:0 esebimen jeńip jatqan kezde chehııalyq sportshy matchty jalǵastyrýdan bas tartty.
Jibek Qulambaeva jartylaı fınalǵa shyǵý úshin reıtıngide 768-satydaǵy bosnııalyq Sýana Týkakovıchpen oınaıdy.
Dastan KENJALIN,
ASTANA
