قازاقستان ۇستەل تەننيسىنەن 2026 جىلعى الەم چەمپيوناتىنا جولداما الدى

الماتىدا ADD Ustel Tennis Ortalygy-دا 2026 جىلعى كوماندالىق الەم چەمپيوناتىنا جولداما ءۇشىن ورتالىق ازيا ەلەدرىنىڭ اراسىندا ىرىكتەۋ ءتۋرنيرى بولدى.

ورتالىق ازيا ايماعىنان جالعىز جولداما ءۇشىن قىرعىزستان، وزبەكستان، قازاقستان كوماندالارى ەرلەر مەن ايەلدەر ساناتتارىندا سايىسقا ءتۇستى.

قازاقستان ۇستەل تەننيسى فەدەراتسياسىنىڭ حابارلاۋىنشا، ۇلتتىق قۇراما ساپىندا كيريلل گەراسيمەنكو، الان قۇرمانعاليەۆ، ايدوس كەنجەعۇلوۆ ءوز قارسىلاستارىن 3:0 ەسەبىمەن جەڭىپ، ءبىرىنشى ورىندى يەلەندى. سونىڭ ناتيجەسىندە الەم چەمپيوناتىنا جولداما الدى.

ال قىزدار قۇرامىندا زاۋرەش اقاشەۆا، سارۆينوز ميركاديروۆا، انەل باقىت قىرعىزستاننىڭ سپورشىلارىنان كەيىن  وزبەكستان قۇراماسىنان 0:2-ەسەبىمەن جەڭىلىپ جاتىپ، 3:2 ەسەبىمەن جەڭىسكە جەتتى. ەندى ولار دا الەم چەمپيوناتىنا دايىندالاتىن بولادى.

سپورتشىلاردى ىرىكتەۋ تۋرنيرىنە ەلميرا اليەۆا، دميتري پەرەۆەرزەۆ، ەۆگەني تيمچەنكو مەن گەننادي گەراسيمەنكو دايىندادى.

كوماندالىق الەم چەمپيوناتى 2026 جىلدىڭ مامىر ايىندا لوندوندا بولادى. سوڭعى رەت الەمدىك دودا ۇلىبريتانيانىڭ استاناسىندا  1926 جىلى تۋرا 100 جىل بۇرىن بولعان ەكەن.

داستان كەنجالين،

استانا