FIFA elimizge 100 jańa shaǵyn fýtbol alańyn salyp beredi

Qazaqstan Halyqaralyq fýtbol federaııasynyń (FIFA) bastamasymen FIFA Arena álemdik ınfraqurylymdyq jobasyna qatysatyn 11 eldiń biri bolyp tańdaldy.

Joba aıasynda elimizdiń mektepterinde qazirgi zaman talaptarǵa saı 100 shaǵyn fýtbol alańy salynady.

Qolda bar derekke qaraǵanda, FIFA Arena baǵdarlamasynda álem boıynsha 1000 mektep alańy salynady dep josparlanǵan. Árbir alańnyń ólshemi – 20 h 40 metr. Ol FIFA bekitken sońǵy tehnıkalyq talaptarǵa saı bolady. Bul bastama balalar men jasóspirimderge qoljetimdi. Qaýipsiz ári sapaly ınfraqurylym qalyptastyrýdy kózdeıdi.

FIFA Arena jobasy boıynsha jasandy jamylǵynyń jańa túri qoldanylady. Bul alańda rezeńke untaǵy qoldanylmaıdy. Sondyqtan ekologııalyq jaǵynan tıimdi, kútip-baptaý jeńil jáne balalar úshin qaýipsiz bolady, — dep habarlady Qazaqstan fýtbol federaııasy.

Mektepter tizimi Oqý-aǵartý mınıstrligimen birlesip bekitiledi. Jasyl alańdardyń qurylysy eki jylda bitedi. Alǵashqy stadıondar Hromtaý men Kókshetaý qalalarynda boı kóteredi.

Dastan KENJALIN,

ASTANA