زاڭعار نۇرلان ۇلى العاش رەت چەللەندجەر ءتۋرنيرىنىڭ شيرەك فينالىنا شىقتى

استانادا پرەزيدەنت كۋبوگى ءۇشىن تەننيستەن ءوتىپ جاتقان چەللەندجەر تۋرنيرىندە زاڭعار نۇرلان ۇلى سەنساتسيالىق ناتيجەگە جەتتى، دەپ حابارلادى قازاقستان تەننيس فەدەراتسياسى.

زاڭعار نۇرلان ۇلى جۇپتىق سىندا سلوۆاكيالىق ميحال كرايچيمەن بىرگە العاشقى اينالىمدا پولياك ولاف پەچكوۆسكي مەن ۇندىستاندىق سينگح كاراندى 6:4، 6:1 ەسەبىمەن جەڭدى.

بۇل زاڭعار نۇرلان ۇلىنىڭ سپورتتىق جولىنداعى چەللەندجەر دوداسىنداعى العاشقى جەڭىسى بولىپ وتىر. وتانداسىمىز ەڭ شەشۋشى تۇستاردا شەبەرلىگىن كورسەتىپ، ءساتتى ويناي ءبىلدى.

ەندى زاڭعار نۇرلان ۇلى مەن ميحال كرايچي جارتىلاي فينالعا شىعۋ ءۇشىن جارىستىڭ 3-راكەتكالارى، جاپون تايسەي يشيكاۆا مەن كوكورو يسومۋرامەن وينايدى.

تاعى ءبىر قازاقستاندىق تەننيسشى گريگوري لوماكين اۆستراليالىق ەدۆارد ۋينتەرمەن بىرگە شيرەك فينالعا شىقتى. ولار تايلىق ماكسيمۋس دجونس پەن گرۋزيالىق سابا پۋرتسەلادزەنى 6:3، 7:6 (7:1) ەسەبىمەن جەڭدى.

لوماكين مەن ۋينتەر شيرەك فينالدا ءتۋرنيردىڭ 2-راكەتكالارى، جاپون كۋسۋحارامەن جانە ناكاگاۆامەن كۇش سىناسادى.