World Boxing: Azııa chempıonatynda bes boksshymyz fınalǵa shyqty

World Boxing aıasynda Taılandtyń astanasy — Bangkok qalasynda 22 jasqa deıingiler arasynda Azııa chempıonatynda ulttyq qurama komandanyń bes boksshysy fınalǵa shyqty.

Áýeli Nurıslam Qaldybaev (60 kg) Býtannyń boksshysy Dechen Dordjıdi ýaqytynan buryn jeńse, Ilıa Kalının (65 kg) Fılıppınniń ókili Mark Eshlı Fadjardomen sharshy alańǵa shyqpaı jatyp, fınalǵa joldama aldy. Onyń qarsylasy  jekpe-jekten bas tartty.

70 kılo salmaqtaǵy Nurbek Mursal bolsa, malaızııalyq Mýhammad Arıfti, Sanjaráli Begalıev (80 kg) úndi Ankýshty, Temirlan Muqataev (90 kg) ońtústikkoreıalyq Iachan Mýndy jeńip, fınalǵa shyqty.

Jarys kúniniń keshki sessııasynda rıngke áıelder kóteriledi. Gúlnaz Bóribaeva (48 kg), Baqyt Seıdish (70 kg), Shuǵyla Nálibaı (75 kg) men Ásel Toqtasyn (80 kılodan asa salmaq) qolǵa túıistiredi.

Azııa chempıonaty 30 shildede bastaldy. Ol 12 tamyzǵa deıin bolady. Oǵan 25 elden 396 boksshy (237 er jáne 159 áıel) qatysyp jatyr. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, О́zbekstan, BAÁ, Vetnam, Býtannyń bylǵary qolǵap ıeleri bar.

Dastan KENJALIN,

ASTANA