SportPress.kz Qazaqstan sport jańalyqtary
Búgin Qytaıdyń Úrimji qalasynda ótken jartylaı marafonda úsh birdeı qandasymyz top jardy, dep habarlady Sınhýa agenttigi.
Marafonda Sanjy ınstıtýtynyń stýdenti, birinshi razrıadty sportshy Eren Eleýsiz máre syzyǵyn 1 saǵat 6 mınýt 54 sekýndta kesip ótip, jeńis tuǵyryna kóterildi. Onyń izinshe Qazez Bektursyn men Turábil Tóleýhan da kómbege jetip, kúmis jáne qola medaldardy ıelendi.
Búgingi dúbirli dodada tolyq marafon, jartylaı marafon jáne 6 shaqyrymdyq marafon sanattary boıynsha júldeler tigilip, jalpy 14 myń adam jarysqa qatysty.
Jarys joly Úrimji qalasynyń birneshe aýdanyn qamtydy. Erler arasyndaǵy marafonnyń bas júldesin dáriger-sportshy Lı Chjenıýe jeńip alsa, kúmis pen qola medal qandastarymyz Dosbol Qabyljan men Baqtııar Orazalyǵa buıyrdy.
Eren Eleýsiz — keıingi kezde búkil Qytaıǵa tanymal bola bastaǵan marafonshy. Ol byltyr Turfan jáne Chjýchjoý marafondarynda top jarsa, bıyl Manshı jáne Lotıan jartylaı marafondarynda kúmis júldeni alǵan bolatyn.
Rıshat Haıbýllın sporttyq quzǵa órmeleýden Azııa kýbogynyń kezeńinde altyn medal jeńip aldy
Sporttyq quzǵa órmeleýden Qazaqstan quramasynyń ókili Rıshat Haıbýllın Almatyda ótken Azııa kýbogy kezeńinde jeńiske jetti.
Ol «jyldamdyq» sanatynda úzdik atandy.
Fınalda Haıbýllın japonııalyq sportshy ýkıkı Onıshıden basym tústi. Úshinshi orynǵa Re Omasa (Japonııa) ıe boldy.
Áıelder arasynda Anna Balarshına márege birinshi bolyp jetti. Ol fınalda otandasy Tamara Uljabaevany artta qaldyrdy. Úzdik úshtikten Qazaqstan quramasynyń ókili Adelııa О́tesheva kórindi.
US Open: Aleksandr Býblık tórtinshi aınalymda álemniń 1-raketkasymen oınaıdy
Qazaqstannyń birinshi, álemniń 24-raketkasy Aleksandr Býblık AQSh ashyq chempıonatynyń tórtinshi aınalymyna shyqty.
Tennısshi úshinshi aınalymda álemniń 14-raketkasy, amerıkalyq Tommı Polpen oınady. Birinshi partııada taı-breıkte Býblık sheberlik tanytty.
Ekinshisinde Pol 7:6 (7:4) esebimen jeńse, úshinshi sette Býblık breık jasap, sol basymdylyqty saqtap qaldy. Esep — 6:3.
Tórtinshi sette taı-breıkte T.Pol 7:6 (7:5) esebimen alǵa shyqty. Besinshi, sheshýshi partııada Býblık 6:1 esebimen jeńiske jetti.
Úsh saǵat 37 mınýtqa sozylǵan oıynda Býblık 22 eıspen birge 9 breık-poınttyń úsheýin paıdalandy. 10 eıs jasaǵan Pol 6 breık-poıntty paıdalana almady.
Aleksandr Býblık shırek fınalǵa shyǵý úshin álemniń 1-raketkasy, ıtalııalyq Iannık Sınnermen oınaıdy.
Eske sala keteıik, budan buryn AQSh ashyq chempıonatynda Anna Danılınanyń juptyq synda ekinshi aınalymǵa joldama alsa, Elena Rybakına barlyq «Úlken dýlyǵa» týrnırinde otandastarymyzdyń arasynda alǵash ret tórtinshi aınalymǵa shyqty.
