قازاقستان قۇراماسى دايىندىقتى باستادى

فۋتبولدان قازاقستان قۇراماسى 2026 جىلعى الەم چەمپيوناتى ىرىكتەۋ تۋرنيرىندەگى ۋەلس پەن بەلگيا كوماندالارىمەن ماتچتارعا دايىندىقتى  باستاپ كەتتى. بۇل تۋرالى قازاقستان فۋتبول فەدەراتسياسى حابارلادى.

قازاقستان قۇراماسى J توبىندا بەلگيا، ۋەلس، سولتۇستىك ماكەدونيا جانە ليحتەنشتەين كوماندالارىمەن سىنعا ءتۇسىپ جاتىر.

وسى توپتا ەل قۇراماسى 4-ورىندا تۇر. ۇلتتىق قۇراما ۋەلس (1:3) پەن سولتۇستىك ماكەدونيا (0:1) كوماندالارىنان جەڭىلىپ، ليحتەنشتەيندى (2:0) جەڭدى.

ەندى 4 قىركۇيەكتە استانادا ۋەلس قۇراماسىمەن، ال 7 قىركۇيەكتە سىرت الاڭدا بەلگيامەن وينايدى.

ۇلتتىق قۇرامانىڭ وقۋ-جاتتىعۋ جيىنى 29 تامىزدا استاندا باستالدى.

وعان رەسەيدىڭ «زەنيت» كلۋبىنىڭ قورعاۋشىسى نۇرالى ءالىپ پەن «احمات» كلۋبىنىڭ شابۋىلشىسى ماكسيم سامورودوۆ قوسىلدى. ودان كەيىن كوماندانى «قايرات» جاساعىنىڭ ويىنشىلارى داستان ساتپاەۆ، دامير قاسابولات، تەمىرلان اناربەكوۆ تولىقتىردى. ال باقتيەر زاينۋتدينوۆ جاراقاتىنا بايلانىستى الداعى ەكى ويىنعا قاتىسا المايتىن بولدى.

قاقپاشىلار: مۇحاممەدجان سەيسەن («استانا»)، تەمىرلان اناربەكوۆ («قايرات»)، بەكحان شايزادا («ورداباسى»);

قورعاۋشىلار: الىبەك قاسىم، («اقتوبە»)، يان ۆوروگوۆسكي («استانا»)، نۇرالى ءالىپ («زەنيت»، رەسەي)، ناۋرىزبەك جاگوروۆ («توبىل»)، ەركىن تاپالوۆ («قايرات»)، سەرگەي مالىي، ۇلار جاكسىباەۆ، سۇلتانبەك استانوۆ ء(بارى – «ورداباسى»);

جارتىلاي قورعاۋشىلار: يسلام چەسنوكوۆ («توبىل»)، رامازان ورازوۆ، الماس ءتولىباي، عالىمجان كەنجەبەك ء(بارى – «ەلىماي»)، داۋرەن جۇمات، سەرىكجان مۋجيكوۆ (ەكەۋى دە – «وقجەتپەس»)، دىنمۇحامەد قارامان («جەڭىس»)، باعدات قايىروۆ («اقتوبە»)، دامير قاسابۋلات («قايرات»);

شابۋىلشىلار: ورالحان ومىرتاەۆ («اقتوبە»)، ماكسيم سامورودوۆ («احمات»، رەسەي)، داستان ساتپاەۆ («قايرات»)، يۆان سۆيريدوۆ («ەلىماي»).