Maık Taıson — Floıd Meıvezer: Ańyzdar aıqasy bola ma?

Boks áleminiń eks-absolıýtti chempıony Maık Taıson X áleýmettik jelidegi paraqshasynda Floıd Meıvezermen jekpe-jegi týraly jazba jarııalady.

Ol  óz paraqshasynda aldaǵy jekpe-jekke qatysty «Ańyz ańyzǵa qarsy. 2026» degen jazba qaldyrdy. «Temir Maıktiń» bul jazbasynda jarnama jasady deýge bolady.

Sonymen birge ol kelisimshartqa resmı túrde qol qoıylǵanyn aıtty.

«Jaqynda», — dep biraýyz sózben naqtylady.

Qolda bar derekke qaraǵanda, jekpe-jekti eki sportshynyń promoýterlik kompanııalary uıymdastyrady. Dese de jankúıerlerge aıqastyń qaı salmaq dárejesinde bolatyny qyzyq kórinedi. Sebebi, Taıson men Meıvezer ártúrli dıvızıonda qolǵap túıistirgen.

Qazir aty ańyzǵa aınalǵan eki boksshy da aqsha tabýdyń túrli amaldaryn jasap júrgeni jasyryn emes. Byltyr qarashada Maık Taıson AQSh-tyń Tehas shtatyndaǵy Arlıngton qalasynda bloger Djeık Polmen jekpe-jekke shyqqan edi. Bul aıqas segiz raýndqa josparlanyp, tóreshiler sheshimimen jeńis ıýtýberge berildi.

Floıd Meıvezerdiń de aqsha tabý úshin jekpe-jekterge shyǵyp júrú Ol Taısondy jeńgen Djeık Poldyń aǵasy Loganmen de judyryqtasqan bolatyn.

Dastan KENJALIN,

ASTANA