SportPress.kz قازاقستان سپورت جاڭالىقتارى
البانيانىڭ استاناسى تيرانادا وتكەن ۋەفا اتقارۋشى كوميتەتىنىڭ جيىنىندا بىرقاتار حالىقارالىق جانە كلۋبتىق تۋرنيرلەردىڭ شەشۋشى ويىندارىن قابىلدايتىن قالالار انىقتالدى، دەپ حابارلادى قازاقستان فۋتبول فەدەراتسياسى.
سونىڭ ىشىندە قازاقستان فۋتبول فەدەراتسياسى مەن قازاقستان فۋتزال قاۋىمداستىعىنىڭ 19 جاسقا دەيىنگى فۋتزالشىلار اراسىنداعى ەۋروپا چەمپيوناتىنىڭ فينالدىق كەزەڭىن ەلىمىزدە وتكىزۋ تۋرالى ءوتىنىمى ماقۇلداندى.
وسى شەشىمگە سايكەس، قازاقستان جاسوسپىرىمدەر قۇراماسى قابىلداۋشى ەل رەتىندە بىردەن فينالدىق كەزەڭگە جولداما الادى. جارىسقا بارلىعى سەگىز كوماندا قاتىسادى.
بۇل تۋرنير العاش رەت 2019 جىلى ۇيىمداستىرىلعان. قازىر U-19 ساناتىنداعى ەۋروپا چەمپيونى – پورتۋگاليا، ال ەكى مارتە (2019 جانە 2022 جىلدارى) توپ جارعان يسپانيا ەڭ تابىستى كوماندا سانالادى.
